Хаарбах туруктаах дьиэлэри өрөмүөннээһин үлэлэрин чэрчитинэн, капитальнай өрөмүөн пуондата Мииринэй куоратын Ленинград бэрэспиэгэр турар 19-с №-дээх дьиэтин саҥардаллар.
Былааҥҥа уот күүрүүтүн ситимин уонна сарай өрөмүөнэ киирэллэр. Бу үлэни Дьокуускай куораттааҕы «Экофорс» бэдэрээччит-тэрилтэ ыытар.
Хаартыскаларга көрөргүт курдук, тутааччылар – саха уолаттара, саамай ыарахан уонна кутталлаах үлэни – сарай өрөмүөнүн ыыта сылдьаллар. Дьиҥэ, бу үлэни ичигэс кэмнэр саҕана үмүрүтүөххэ баара. Кыһыҥҥы кырыыһа олус халтархай. Аллараа сурулууртан быыкаа дьэбин буолбут боробулуохалар быыһаабаттар.Онон үрдүккэ үлэлии үөрэммит эрэ дьон манна ылсаллар.
Бастатан туран, сарай хаарын күртүлэр, металлочерепицаны уонна дьэбиннирбит тимир арааһын көтүрдүлэр, урукку тутаачылартан хаалбыт бөҕү-саҕы ыраастаан тиэйдилэр. Үлэлэрэ элбэх.
Өрөмүөн хаһан түмүктэнэрэ биллибэт.
Станислав Алексеев, Мииринэй куорат. Ааптар хаартыскалара.