Дьокуускай куораттааҕы 3-с №-дээх балыыһа Өксөкүлээх Өлөксөй аатынан Норуоттар Доҕордоһууларын дьиэтигэр хоруона хамсыгыттан утары быһыыны биэрэр пууну арыйда.
Бэс ыйын 7 күнүгэр дылы бу пууҥҥа күҥҥэ аан бастакынан вакцинаны ылбыт киһиэхэ "Россия" киинэ саалатыгар буор босхо киинэҕэ сылдьарга билиэт биэриэхтэрэ. Күн аайы бу аахсыйа иитинэн 10 босхо билиэти биэриэхтэрэ. Вакцинаны ылар дьон хайаан да пааспаргытын, ОМС полиһын уонна СНИЛС илдьэ сылдьаҕыт. Вакцина буор-босхо, бэрэпиискэҕиттэн эҥин тутулуга суох ыытыллар. Быһыыны биэриэх иннинэ хайаан да быраас көрөр. Быһыыны биэрэр пуун сарсыарда 10 чаастан 18 ч. дылы ыытыллар. Маны таһынан, 3-с №-дээх балыыһа икки быһыыны ааспыт дьон ортотугар мэдэссиинэ көрүүтүгэр босхо сэртипикээттэри оонньотор.
