Уокуруктааҕы дьаһалта телеграм-ханаала биллэрэринэн, Дьокуускай аҕа баһылыга Евгений Григорьев куорат сиригэр-уотугар сылаас туалеттары тутарга схема оҥорорго соруйда.
Тустаах дьаһаллары аҕа баһылык мэрия градостроительнай уонна олох-дьаһах блогар, уопсай куораттааҕы мунньах кэмигэр биэрдэ.
Григорьев тоһоҕолоон туран эттэ: «Кыһалҕа тирээбитэ ыраатта, куорат олохтоохторун кытта көрсөрбөр бу боппуруос сырыы ахсын көтөҕүллэр. Сылаас туалтеттары уопсастыбыннай сирдэргэ ханан туруоруохха сөбүн схематын оҥороргутугар көрдөһөбүн».
“Водоканал” тэрилтэ сөбүлэҥин биэрэн, туалеттар канализация ситимигэр холбонор боппуруостара билиҥҥи кэм туругунан быһаарыллан турар.
Арассыыйа улахан куораттарыгар, турар контейнер быһыылаах туалеттар турбуттара холобур курдук ылылыннылар. Быйыл куорат иһигэр биэс уопсастыбыннай туалет тутуллан үлэҕэ киирэрэ былааннанар.
