Аллараа Новгород куорат уулуссатыгар туруоруллубут “Азимут-3” диэн биир камера көмөтүнэн, биир ый иһигэр фараларын умаппакка сүүрдэ сылдьар суоппардарга 7,3 тыһ. ыстараабы суруйдулар. Онон, “амтаһыйан”, куоракка итинник камералар ахсааннарын элбэтээри оҥостоллор.
Билиҥҥитэ ГИБДД маннык ньыманан ыстарааптааһыны Аллараа Новгород эрэ куоратыгар туттубутун суруйаллар. Арассыыйа атын куораттарыгар маннык “ситиһиилээх технология” өссө тиийэ илик.
КоАП 12.20 ыстатыйатынан, күнүс фаратын умаппакка сүүрдэ сылдьар массыына хаһаайына 500 солк. ыстарааптанар.
