Дьокуускайтан көтөн испит Ан-12 сөмөлүөт Иркутскай куорат үрдүгэр саахалланна. Бу туһунан Сибирдээҕи авиацияны быыһыыр киинигэр сигэлэнэн туран ТАСС иһитиннэрэр.
«Түспүт сирэ булулунна - бу аэрдоромтан ырааҕа суох сытар Пивовариха сэлиэнньэтэ. Сөмөлүөт түһэн иһэн иккис эргимтэтин оҥорбут уонна радаардартан сүтэн хаалбыт», - диэн эгиэнистибэттэн иһитиннэрдилэр.
Ан-12 cууллан иһэн умайбыт. Миэстэтигэр баһаарынай-быыһыыр этэрээттэр тиийбиттэр. ТАСС иһитиннэрэринэн, борт «Гродно» авиакомпания сөмөлүөтэ эбит уонна гуруус эрийэсин оҥорон испит.
РИА сонуннара этэллэринэр, Иркутскай куорат анныгар охтубут АН-12 Чукоткаттан көтөн испит эбит, оттон Дьокуускайга саппараапкалана кэлбит. Росавиация иһитиннэрэринэн, сөмөлүөт Чукоткаҕа бородуукта уонна норуот бородууксуйатын тиэйиитинэн үлэлиир эбит уонна Иркутскай аэропордугар базалана диэн төннөн испит эбит.
«Интерфакс» этэринэн, авария түмүгэр 7 киһи өлбүт. «Сиргэ кэлэн түһүүтүгэр сөмөлүөт умайбыт», - диэн источник этэр.
