Роспотребнадзор хотуна Анна Попова хамсыктан сылтаан оскуолаларга оҕо уонна эдэр ыччат тэрилтэлэригэр сыһыаннаах хааччахтааһыннары 2024 сыл тохсунньутугар диэри уһатта. Бу дьаһал туһунан официальнай интэриниэт-бартаалга тахсыбыт.
Элбэх киһилээх тэрээһиннэри бобуу болдьоҕо оскуолаларга, успуорт уонна сокуаннай саастарын туола иликтэргэ аналлаах тэрилтэлэргэ эрэ туһаайыллыбатах эбит. Ол курдук, атыы-эргиэн кииннэригэр, аэропортарга, тимир суол вокзалларыгар тэрээһини тэрийии болдьоҕун хааччаҕа эмиэ уһаабыт.
Ол эрэн орто анал, үрдүк үөрэх, эбии үөрэхтээһин уонна сынньалаҥы олохтуур тэрилтэлэргэ бу бобуу көрүллүбэтэх.
Оскуолаларга уонна оҕо уһуйааннарыгар дьиэ иһин, хостору сотору-сотору салгылатыы, оҕолор, үлэһиттэр температуралын бэрэбиэркэлээһин, оҕолор бөлөхтөрүн бэйэ-бэйэлэриттэн тэйиччи тутуу быраабылаларын тутуһуу болдьоҕо эмиэ уһаабыт. Оҕолор алтыһыылара аҕыйыырын туһугар күннээҕи расписание учуоттаныллан оҥоһуллуохтаах, оттон хас биирдии кылааска туспа анал кабинеттаах буолуохтаах.
Бу быраабылалар 2020 сыл сайыныгар оҥоһуллубуттара.
