Арассыыйатааҕы Доруобуйа Харыстабылын министиэристибэтин бирикээһэ бигэргэтэринэн, хамсыгынан ыалдьан аһарбыт дьоҥҥо QR куод болдьоҕо сыл аҥаара (алта ый) дьайар буолуоҕа. Докумуоҥҥа сурулларынан, өскөтүн киһи хамсыгы утары быһыы ылан баран, хаттаан ыалдьыбыт буоллаҕына, дьиҥ ааҕыллар күнэ бүтэһик ыалдьыбыт кэмиттэн ааҕыллар буолар
Бирикээскэ сурулларынан, хамсыгы утары быһыы кэнниттэн QR куод дьайыыта – 1 сыл. Оттон өскөтүн хамсыгынан ыалдьан аһарыммыт буоллаҕына – сыл аҥаара (алта ый).
Өскөтүн быһыыны ылбыт киһи кэлин иккистээн ыалдьан, киниэхэ ПЦР тиэскэ, анаалыс “положительнай” түмүгү көрдөрдөҕүнэ, бу иннинэ ылбыт сылы быһа дьайыахтаах цифровой боруопуск QR куода киниэхэ дьайбат буолар. Ааҕыы кини иккистээн ыалдьыбыт күнүттэн ааҕыллар – сыл аҥаарыгар (алта ыйга).
Бу бирикээскэ олоҕуран, дойду бырабыытылыстыбата QR куод ирдэбилин уопсастыбыннай сирдэргэ киллэрэргэ этии киллэрдэ, чуолаан тырааныспар эйгэтигэр: сөмөлүөттэргэ уонна пуойастарга. Ону таһынан кэлэр сыл, олунньу 1 күнүттэн «отрицательнай» ПЦР тиэстээх QR куодтары, быһыыттан «медотводтаах» гражданнарга биэрэр буолуохтара
