ТАСС иһитиннэрэринэн, ахсынньы ыйга "Госуслуги" портал Ковид-19 ыарыыны аһарбыт, хааннарыгар харыстыыр «антителалаах” уонна тас дойду быһыытын ылбыт дьоҥҥо сэртипикээт биэрэр буолуоҕа. Маны бырааска көрдөрбөккө даҕаны ылар буолуохтара. Бу туһунан Арассыыйа вице-премьера Татьяна Голикова бэнидиэнньиккэ суруналыыстарга эппит.
"Бу икки көрүҥ хайысхаҕа туох үлэ баарын быһаара сылдьабыт. Саныырбынан, ахсынньы ыйга "Госуслуги" бартаал техническай өттүнэн бэлэм буолуохтааҕын ситиһиэхпит", - диэн хотун иһитиннэрбит.
Кини этэринэн, 2021 сыл тохсунньу 1 күнүттэн анаалыска ПЦР тиэстэрэ «+» көрдөрбүт дьоҥҥо сэртипикээт биир сылга бэриллиэҕэ, оттон ыалдьан ааспыт эрээри тиэстэрэ «-» көрдөрөр дьон сыл аҥаарыгар болдьохтоох докумуону ылыахтара. Маны таһынан, тас дойду быһыыларын уонна онно сылдьан "Спутник V" быһыыны ылбыт дьоҥҥо сэртипикээт сыл аҥаарыгар бэриллиэҕэ.
