«Интерфакс» иһитиннэрэринэн, саҥа хоруона вируһун «Омикрон» диэн саҥа көрүҥэ хамсык бүтүүтүн чинчитинэн буолуон сөп диэн Энгельгард аатынан молекулярнай биология үнүстүтүүтүн килиэккэлэр пролиферацияларын салаатын салайааччыта Петр Чумаков эппит. Гамалея киинэ номнуо «Спутник V» быһыыны саҥа көстүбүт штамҥа барсар гына оҥорбут эбит, бу туһунан «Российская газета» иһитиннэрэр.
Чумаков этэринэн, «омикрон» чэпчэкитик аһардыллар уонна СОVID-19 урукку көрүҥнэрин курдук ыарытыннарбат эбит.
«Бу саҥа штамм аттенуацияны (вирус мөлтөөһүнэ) ааспыт. Онон, «омикрон» хамсык бүтүүтүн чинчитинэн буолуон сөп диэн эрэл баар», - диэн Чумаков этэр.
Кини саныырынан, «омикронунан» ыалдьыы төһө даҕаны элбээтэр, ыарыы күүһэ мөлтүө.
Билиҥҥи туругунан, саҥа хоруона вируһун «омикрон» штамын 77 дойдуга булбуттар. Арассыыйаҕа 16 киһи ыалдьыбыт.
