Маныаха, сүрүн төрүөтүнэн улууска орто анал үөрэхтээх исписэлиистэр тиийбэттэрэ буоларын улуус киин балыыһатын кылаабынай бырааһа Анна Петрова бэлиэтиир. Онон үөрэхтээһин эйгэтигэр кэккэ уларыйыылар киирэннэр, бу кыһалҕаны туоратарга усулуобуйа тэриллэригэр кыах баар буолла.
Кылаабынай быраас Анна Саввична: "2017 сылтан элбэх туруорсуу кэнниттэн, бу боппуруос быһаарылынна. Улуус баһылыга Алексей Васильевич Федотов, улуус дьаһалтата кэпсэтиини ыытарга улахан өйөбүлү оҥордулар. Маннык үөрэтиини тэрийдэхпитинэ, каадырынан хааччыллыыга хайаан даҕаны көдьүүстээх буолуоҕар эрэнэбин. Олохтоохтор миэстэтигэр үөрэнэн, дойдуларыгар үлэлиир кыахтаныахтара. Онуоха медсиэстэрэ идэтин баһылыан баҕалаахтар анаан сүүмэрдээһини ааһыахтара. Оттон маннык үөрэхтээһин үтүө түмүгэ көһүннэҕинэ, фельдшердэри үөрэтэн таһаарар салааны арыйар былаан баар", – диэн этэр.
Уопсайа 25 миэстэҕэ үөрэтии бүддьүөттэн үбүлэниэҕэ, өссө биэс миэстэ төлөбүрдээх буолуоҕа. Үөрэххэ туттарсааччылартан орто оскуоланы бүтэрбиттэрин туоһулуур аттестаттара ирдэниэҕэ уонна көмпүүтэргэ тест көрүҥүнэн тургутууну ааһыахтара.
Маныаха улуустааҕы үөрэх управлениета үөрэх тэрилтэлэригэр (оскуолаларга, эбии үөрэхтээһин кииннэригэр) кэбиниэттэри биэрэн, үөрэҕи ыытарга күүс-көмө буоларга бэлэмнэрин биллэрдилэр.
Сигэтэ: https://xn--80aahjj1a2au6hb.xn--p1ai/article/37761
