Бу маннык бөрүкүтэ суох ыстатыыстыканы Өрөспүүбүлүкэтээҕи суһал Штаб иһитиннэриилэриттэн ыллым.
Тохсунньу 31 күнүгэр 122 киһи дьаҥҥа далбыттарбытыгар «һуу-һаа» бөҕөтө буолбуппут. Олунньу 4 күнүгэр – 131 киһи ыалдьыбыт. Хоруона хамсыгар хобдох балаһыанньалаах бырамыысаланнай оройуоҥҥа «материктан» кэлиини кылгас кэмҥэ хааччахтыахха баара. Суох. Дьон кэлбитин курдук кэлэ турар. Куорат киинигэр оҕо-аймах бөлөҕүнэн сылдьар. Таас дьиэлэр бэдийиэстэригэр элбэхтии буолан мусталлар. Учууталлартан хонтуруол мөлтөх. «Сидим дома» диэн луоһуннара таах күдээринэ дойҕох буолан биэрдэ. Барыта былаастар хайдах сүрүннүүллэриттэн тутулуктаах. Ол манна төрүт кыаллыбат. Туох баар ноҕуруусканы Мииринэй оройуоннааҕы балыыһата ылан олорор.
Станислав Алексеев. Мииринэй куората.
