Бүгүн Ил Дархан эбээһинэһин быстах кэмҥэ толорооччу Айсен Николаев Нерюнгри улууһугар тиийдэ. Кини онно икки күн үлэлиэҕэ.
Бүгүн кини Чульмаҥҥа уонна Серебрянай Борга хаарбах дьиэттэн көһөрүү өрөспүүбүлүкэтээҕи бырагыраама хайдах олоххо киллэриллэрин бэрэбиэркэлиэҕэ.
Маны таһынан, Айсен Сергеевич “Южная Якутия” урутаан сайдар түөлбэни (ТОР) көрүөҕэ. Онно кини “Колмар” (ТОР дьаакардаах резиденэ) хампаанньа салалтатын кытары көрсүөҕэ. Киэһэлик Айсен Николаев эрэгийиэн социальнай-экэнэмиичэскэй сайдыытын тула мунньаҕы ыытыаҕа.
Бэс ыйын 19 күнүгэр “Эльгинскэй” разрезка сылдьан Эльгатааҕы таас чохтоох комплексы уонна НПС-19 ньиэби хачайдыыр ыстаансыйа эбийиэктэрин көрүөҕэ.
Бу туһунан Ил Дархан уонна Бырабыыталыстыба пресс-сулууспата иһитиннэрэр.
