Кулун тутар 4 күнүгэр өрөспүүбүлүкэ Ил Дархана Айсен Николаев Мария Турантаеваны СӨ Култуураҕа уонна духуобунай сайдыыга миниистирин бастакы солбуйааччытынан анаата.
Мария Турантаева үрдүк үөрэхтээх. Потребительскай кэпэрээссийэ университетын “экэнэмиис, үп уонна кирэдьиит” идэлээх бүтэрбит. Кэлин Үлэ уонна социальнай сыһыан академиятыгар юрист, онтон ХИФУ-га “норуот уус-уран култуурата” идэлэрин баһылаабыт.
Үөрэҕин кэннэ бастаан Дьокуускайдааҕы петребительскэй кэпэрээссийэ эргиэн-экэниэмикэ колледжыгар (ЯТЭКПК), онтон Үлэ уонна социальнай сыһыан академиятын Дьокуускайдааҕы салаатыгар (ЯЭПИ) преподователлээбит, Саха тыйаатырыгар юристаабыт.
2012 сыллаахха Олоҥхо тыыйаатырын толорооччу дириэктэрэ, 2013 сыллаахха дириэктэри солбуйааччыта (уопсай боппуруостарга) буолбут.
2021 сылтан күн бүгүнүгэр диэри СӨ Олоҥхо тыйаатырын салайааччытынан үлэлээбитэ.
Ити туһунан СӨ Ил Дарханын уонна бырабыыталыстыбатын пресс-сулууспата суруйар.
Бэй.кэр.
