Киирии

Киирии

Бүгүн, олунньу 14 күнүгэр, Сочи куоракка буола турар Арассыыйа инвестиционнай форумугар Иркутскай уобалас уонна Саха сирин бырабыыталыстыбаларын икки ардыгар эрэгийиэннэр социально-экэнэмиичэскэй, билим-тэхэниичэскэй уонна култуурунай алтыһыыга Сөбүлэҥи түһэристилэр. Маны таһынан, Сөбүлэҥ чэрчитинэн 2019-2023 сс. туох-ханнык үлэ барыахтааҕын боротокуолунан бигэргэттилэр.

Сөбүлэҥҥэ Ил Дархан Айсен Николаев уонна Иркутскай уобалас күбүрүнээтэрэ Сергей Левченко илии баттаатылар.

Ыаллыы сытар эрэгийиэннэр былыр-былыргыттан хардарыта сибээстээхтэр.Былырыын Саха сирэ Иркутскай-Дьокуускай дьаам суола тутуллубут 275 сыллаах үбүлүөйүн бэлиэтээбитэ.

Ил Дархан түһэрсиллибит Сөбүлэҥ эрэгийиэннэр икки ардыларыгар сайдыыны, социальнай тирэҕи, дьон олоҕо тупсуутун аҕаларыгар эрэнэрин биллэрдэ. Кини этэринэн, Саха сирин арҕаа өттүгэр уонна Иркутскай уобалас хоту эҥэригэр саҥа сир баайын хостооһун саҕаламмытытан, эрэгийиэннэр икки ардыларыгар хардарыта сыһыан күүһүрүө. Маны таһынан, икки эрэгийиэн салайааччыта Өлүөнэ күргэтэ тутулларыгар киэҥ былааннаахтарын биллэрдилэр.

Тарҕат:

Комментарии

Защитный код Обновить