Киирии

Киирии

Егор Борисов былааска 1991 сыллаахха кэлбитэ уонна күн бүгүҥҥэ диэри өрөспүүбүлүкэ туһугар үлэлии-хамныы сылдьар. Атырдьах ыйын 15 күнүгэр Егор Афанасьевич 65 сааһын томоточчу туолуоҕа. Бу күн кини туһунан “Егор Борисов: вместе с народом” диэн документальнай киинэни көрдөрүөхтэрэ.

Киинэҕэ түһүү-тахсыы, кыайыы-хотуу, ситиһии, уопсастыба уларыйыытыгар киллэриллибит кылаат, сыралаах үлэ,  Ил Дархан норуот өйүн-санаатын уларыйыытыгар сабыдыала көрдөрүллүө.

“Егор Афанасьевич өрөспүүбүлүкэ муоһатыгар ылыныллыбыт быһаарыылар тоҕо уонна хайдах быһаарыллыбыттарын туһунан эндэппэккэ билэр. Киинэҕэ кини Михаил Николаев, Вячеслав Штыров уонна бэйэтэ салайар кэмигэр ылынылыбыт быһаарыылар тустарынан сэһэргиэҕэ” , — диэн киинэни оҥорооччулар бэлиэтииллэр.

Документальнай киинэ атырдьах ыйын 15 күнүгэр “Саха” НКИК 20 ч. 45 мүн., оттон “Якутия24” каналга 21 ч. көстүөҕэ.

Тарҕат:

Комментарии

Защитный код Обновить