Киирии

Киирии

Бэҕэһээ үлэ чааһа бүтүүтэ Егор Борисов суруналыыстары суһаллык ыҥыран пресс-кэмпириэнсийэ оҥорбута. Онно кини баҕа өттүттэн уурайарын туһунан эппитэ.

 

Егор Афанасьевич сахатын норуотугар оҥорбут үтүөтэ-өҥөтө элбэх. Ону барытын ааттыыр наадата да суох. Ил Дархан уурайбытын бары соһуйа, хомойо да иһиттибит. Аҕыйах хонуктааҕыта кини “мин уурайар былааным суох” дэтэлээбитэ. Ол гынан баран, туох барыта бүтэр уһуктаах. Егор Афанасьевичка бар дьонун туһугар сыралаах үлэтин иһин махтаныах эрэ тустаахпыт.

Borisov

Төрүт сокуон этэринэн, Ил Дархан астаапкаҕа барар түгэнигэр, кини эбээһинэһин бырабыыталыстыба бэрэссэдээтэлэ толорор. Инньэ гынан, Евгений Чекин балтараа чаас устата Ил Дархан дуоһунаһын тутан ылла. Өр-өтөр буолбакка, Владимир Путин Айсен Николаевы Ил Дархан эбээһинэһин толорооччунан анаата. Айсен Сергеевич Саха сирин баһылыгын быһыытынан хайыы үйэ бастакы соруктары туруорда. Бэҕэһээ Москубаҕа АЛРОСА дириэктэрин Сергей Ивановтуун, “Якутия” технопаарка салайааччыта Анатолий Семеновтыын уонна улуус баһылыктарын кытары номнуо оробуочай көрсүһүүлэри ыытта.

Nikolaev

Инньэ гынан, бу балаҕаны ыйын 9 күнүгэр өрөспүүбүлүкэ олохтоохторо Ил Дарханы, Ил Түмэн састаабын уонна киин куорат мээрин талыахпыт. Сүрдээх эппиэтинэстээх, тургутуулаах кэмнэр кэтэһэллэр.

Тарҕат:

Ырытыыгын суруй

Защитный код
Обновить