Киирии

Киирии

Биэдэмистибэҕэ маннык быһыы-майгы “дьыалабыай, култуурунай, спортивнай ону ааһан, аймахтыы да сибээстэр биллэ ыарыылларыгар” тиэрдэрин бэлиэтээтилэр.

Арассыыйа МИДэ Америка визатын биэрбэтэхтэринэн, “Большой” тыйаатыр артыыстарыгар хомолтотун биллэрдэ. Субуотаҕа, муус устар 21 күнүгэр, министиэристибэҕэ эппиттэринэн, маннык дьыала оннооҕор тымныы сэрии саҕана буолбатах.

Биэдэмистибэҕэ санаталларынан, ити буолуо икки күн иннигэр “АХШ былаастара ускуустубаннайдык олохтообут” “хобдох быһыыларын” ыйбыттар.

Министиэристибэ дааннайдарынан, виза көҥүллэммэтэҕиттэн прима-балерина Ольга Смирнова уонна балет труппатын маҥнайгы солиһа Якопо Тисси Нью-Йорка көрдөрүөхтээх туруоруулара тохтообут. “Большой” тыйаатыр артыыстарын америкатааҕы публика сылаастык көрсөрө диэн бэлиэтииллэр.

“Ол эрэн билигин Арассыыйаны хайа кыалларынан күүскэ баттыыр санаалаах  АХШ күүстэрэ туохтан да тохтооботтор. Хаһыс да сылын кинилэр “көмөлөрүнэн” быыстапкалар, гастроль визалара тохтотуллаллар. Икки норуоту ситимниир өссө биир кылы быһар баҕалаахтар быһыылаах” диэн биэдэмистибэҕэ эбэн этэллэр.

Вашингтон “американецтары арассыыйалартан виза истиэнэтинэн хаххалыы сатыыллар”  уонна Арассыыйа олохтоохторо АХШка сырыыларын бохсорго кыһаллар дииллэр МИДкэ.

Бу туһунан ТАСС иһитиннэрэр.

Тарҕат:

Ырытыыгын суруй

Защитный код
Обновить

Бүтэһик сонуннар