Киирии

Киирии

Ил Дархан саҥа тырааныспар уонна суол хаһаайыстыбатын миниистирин солбуйааччытын анаата. Инньэ гынан, бу иннинэ Росавиацияҕа үлэлээбит Айсиэн Дегтярев өрөспүүбүлүкэ авиация салаатын иилиэҕэ. Бу туһунан уураах бүгүн таҕыста.

Айсиэн Дегтярев 1985 сыллаахха Дьокуускайга төрөөбүт. 2006 сыллаахха Дьокуускайдааҕы гражданскай авиация летнай-тэхиниичэскэй училищетын туйгуннук бүтэрбит. 2012 сыллаахха Санкт-Петербурдааҕы салайыы уонна экэниэмикэ университетын бүтэрбит.

2005-2012 сс. – “Дьокуускай аэропорда” ГУП авиационнай куттал суоһаабатын Сулууспатын иниспиэктэринэн үлэлээбит.

2012-2018 сс. – Росавиация Саха сиринээҕи Управлениетын тырааныспарга куттал суоһаабатын иилиир отдел сүрүн исписэлииһинэн, эспиэринэн үлэлээбит.

2012 сылтан Дьокуускайдааҕы гражданскай авиация летнай-тэхиниичэскэй училищетыгар «Обеспечение авиационной безопасности. Нормативно-правовая база» идэтийиигэ преподавателлиир.

А.Н. Дегтярев өрөспүүбүлүкэ авиациятыгар уопсайа 13 сыл үлэлээбит уопуттаах. Ол иһигэр – 6-тан тахса сыл дьаһайар үлэҕэ сылдьыбыт.

Бу иннинэ министиэристибэҕэ салгын тырааныспарын Павел Прокопьев иилээбитэ. Былырыын атырдьах ыйыгар урукку үлэтигэр – Дьокуускайдааҕы гражданскай авиация летнай-тэхиниичэскэй училищетыгар төннүбүтэ.

Тарҕат:

Ырытыыгын суруй

Защитный код
Обновить

Бүтэһик сонуннар