Ааспыт өрөбүллэргэ Дьокуускайга гиирэни өрө аньыыга сахалартан бастакы ССРС успуордун маастара Иустин Кулачиков кэриэһигэр эр дьоҥҥо, дьахталларга уонна 40-тан үөһэ саастаах бэтэрээннэргэ өрөспүүбүлүкэтээҕи гиирэни өрө анньыыга чөмпүйэнээт буолан ааста. Манна 16 улуустан 150 гиирэ көтөҕөөччү кытынна.
Күрэхтэһиигэ 95 киилэттэн үөһэ ыйааһыннаахтарга «Якутуголь» тэрилтэ (“Мечел” бөлөххө киирэр) токарь-карусельщига Александр Черкашин кыайыылаах таҕыста. Ол курдук, икки 32 киилэлээх гиирэни 10 мүнүүтэ устата өрө анньан, күрэхтэһээччилэрин ырааҕынан куоһарда.
Кыайыылаах бастакы «көмүһүгэр» түөрт сылы быһа утумнаахтык дьарыктанан, элбэхтик күрэхтэһэн тиийбитин билиннэ. Онон, кыайыытын успуордунан дьарыктанар үлэһиттэрин мэлдьи өйүүр “Мечел” бөлөх 20 сыллаах үбүлүөйүгэр анаата уонна махтанна.
Сонун төрдө: "Якутуголь" АУо пресс-сулууспата
