Балаҕан ыйын 9-15 күннэригэр Лондоҥҥа харбааһыҥҥа Аан дойду чемпионата буола турар. Күрэстэһии үһүс күнүн түмүгүнэн Арассыыйа спортсменнара үс кыһыл көмүс, үс үрүҥ көмүс уонна алта боруонса мэтээли ситистилэр.
Паралимпийскай оонньуулар призера Анастасия Диодорова Арассыыйа хамаандатын састаабыгар боруонса мэтээли ылла. Кини 4х50 микст эстафетаҕа үһүс буолла. Анастасияны кытта Наталья Буткова (Вологодскай уобалас), Ани Палян (Крым өрөспүүбүлүкэтэ), Роман Жданов, Артур Кубасов (Алтайскай кыраай) уонна Дмитрий Черняев (Челябинскай уобалас) күрэхтэстилэр.
Күрэстэһии төрдүс күнүн түмүгүнэн Арассыыйа сүүмэрдэммит хамаандата 11 кыһыл көмүс, 10 үрүҥ көмүс уонна 13 боруонса мэтээллээх 4 миэстэ буолла.
Санатар буоллахха, бу чемпионат Токиоҕа буолар Паралимпийскай оонньууларга сүүмэрдээһин буолар. Чемпионнар уонна үрүҥ көмүс мэтээл хаһаайыттара путевка ылыахтара. Уопсайа эр дьоҥҥо 148 уонна дьахталларга 130 квотата оонньонор.
