Войти

Войти

Бүгүн, ахсынньы 5 күнүгэр Дьокуускайга РФ успуорт миниистирэ Павел Колобков кэллэ. Кини күн бастакы аҥарыгар Ил Дархан Айсен Николаевы кытта Чурапчы улууһугар айанныаҕа. Бу туһунан СӨ бырабыыталыстыбатын пресс-сулууспата иһитиннэрэр.

Онно Чурапчытааҕы физическэй култуура уонна успуорт судаарыстыбаннай институтун уонна Д.П. Коркин аатынан олимпийскай резервтээх өрөспүүбүлүкэтээҕи успуорт орто оскуола-интэринээт эбийиэктэрин көрүөхтэрэ. Уһуйааччылары, устудьуоннары, үөрэнээччилэри кытта көрсүөхтэрэ. Ону таһынан, институт уонна оскуола-интэринээт ситиһиилэрин быыстапкатын сыаналыахтара.

Физическэй култуура уонна успуорт сайдыытыгар бииргэ үлэлиир туһунан сөбүлэҥи баттаһыахтара. Институт 20 сыллаах үбүлүөйүгэр кыттыыны ылыахтара уонна РФ успуорт министиэристибэтигэр бас бэринэр үрдүк үөрэх кыһаларын салайааччыларын кытта көрсүөхтэрэ.

Оттон Дьокуускайга  кэккэ спортивнай эбийиэктэргэ: “Дохсуҥҥа”, “Модуҥҥа” уонна “Триумфка” сылдьыахтара.

 

ysia.ru/

Тарҕат:

Комментарии

Защитный код Обновить