Хоруона вируһа тарҕамматаҕа буоллар, бу сайын Японияҕа Токио куоракка от ыйын 24 күнүттэн атырдьах ыйын 9 күнүгэр диэри сайыҥҥы Олимпийскай оонньуулар ыытыллыахтаах этилэр.
Аан дойдутаҕы олимпийскай кэмитиэт быһаарыытынан, Олимпийскай оонньууну 2021 сылга көһөрдүлэр. Бу туһунан Япония премьер-миниистирэ Синдзо Абэ Токиоҕа иһитиннэрдэ. Кэлэр сылга “Токио-2020” диэн аата уларыйбакка ыытыллыаҕа диэн эттэ. Атын улахан спортивнай күрэхтэһиилэр эмиэ көһөрүлүннүлэр.
