Дьокуускай куорат олохтоохторо успуорт эбийиэктэригэр сылдьыыга “Сыыпаранан аһарыы” (“Цифровой пропуск”) бырагырааманан 900-тэн тахса абонемены ылбыттар. Бу туһунан эрэгийиэннээҕи успуорт уонна физическэй култуура министиэристибэтин пресс-сулууспата иһитиннэрэр.
“Маннык сыыппара аһардыытын киллэрэммит, онлайн эрэсииминэн эрчиллэр саалалар төһө туолбуттарын бэрэбиэркэлиибит уонна дьарыктанарга сөптөөх бириэмэни талабыт. Ити маннык судургута суох хамсыктаах кэмҥэ эппиэтинэстээх буолууну уонна доруобуйаҕа сэрэхтээхтик сыһыаннаһарга төһүү буолара мэлдьэҕэ суох”, - диэн миниистир Иннокентий Григорьев санаатын үллэстибит.
“Сыыппаранан аһарыы” онлайн-сервис балаҕан ыйын 11 күнүттэн үлэлээбитинэн барбыта. Ити кэмтэн ыла 969 абонемены ылбыттар. Күн бүгүн бу систиэмэҕэ “Туймаада” стадион, “Самородок”, “Чолбон” бассейннар, “Модун”, “Дохсун” успуорт комплекстара холбонон үлэлии олороллор. Сотору кэминэн “Триумф” уонна “Эллэй Боотур” холбонуохтара.
