Хабаровскай кыраай уруккута Саха сиригэр киирэр Аяно-Майскай оройуонун Нелькан сэлиэнньэтин олохтоохторо, ытык табаһыттар Евгения уонна Николай Карамзиннар "Северный талисман" документальнай киинэҕэ уһуллуохтарыттан бүтүн отут алта сыл ааспыт.
Кинилэр өссө оччолорго, 12 тыһыынча кэриҥэ табалаах сопхуоска үлэлии сылдьаннар, таба иитиитэ симэлийэр кутталлааҕын эппиттэрэ. Оттон соторутааҕыта Карамзиннар бүтэһик 25 табаларын Эдьигээҥҥэ эһэтин төрүт дьарыгын сөргүтүөн баҕалаах Раиса Ильиноваҕа бэлэхтээтилэр.
Билигин кырдьаҕас табаһыттар Дьокуускай эҥээригэр, табаларын саҥа сиргэ үөрэтээри, балааккаҕа олороллор. Бу үтүөкэн дьон олохторун билсиҥ, тылларын-өстөрүн истиҥ.
Табаһыттары кытта кэпсэттэ Күндэли.
