Киирии

Киирии

Айылҕа уһуктар, от-мас хамсыы-хамсыы үүнэр, ситэн силигилиир Тунах ыйа үүннэ. Онон Үрүҥ тунах ыһыаҕы уруйдуоҕуҥ, ырыата ыллыаҕыҥ.

Мин ыллыы кэлиэҕим

(Никифор Семенов  репертуарыттан)

Мин ыллыы кэлиэҕим ыһыахха,

Хас биирдии уйаҕас сүрэххэ,

Кырылыы көөнньүбүт кымыска

Дьол, таптал амтанын иҥэрэ.

Мин ыллыы кэлиэҕим күөх сайын,

Эҕэрдэ этиэҕим эһиэхэ,

Эһиэкэй тылынан дьиэрэтэ,

Дорҕоонноох тойукпун дуората.

Хос ырыата:

Мин ыллыы кэлиэҕим күөх сайын,

Эҕэрдэ этиэҕим эһиэхэ,

Эһиэкэй тылынан дьиэрэтэ,

Дорҕоонноох тойукпун дуората.

Мин ыллыы кэлиэҕим эһиэхэ,

Күөх Ньурбам уйгулаах ыһыаҕар,

Үөрүүбүн бар дьоммор түҥэтэ

Бу сайга, бу Улуу тунахха.

Мин ыллыы кэлиэҕим эһиэхэ,

Кыыс уолга тапталын этээри,

Эдэрдээх кырдьаҕас сүрэҕэ

Эйэргии тэбэрин истээри.

Хос ырыата:

Мин ыллыы кэлиэҕим күөх сайын

Эҕэрдэ этиэҕим эһиэхэ

Эһиэкэй тылынан дьиэрэтэ

Дорҕоонноох тойукпун дуората

ЫһЫАХ

(Октябрина Колесова тыллара)

Уйгулаах сайыммыт ыһыаҕын

Тойуксут ырыата аспыта,

Туус маҥан атынан хаамтаран

Уол кыыстыын сэргэҕэ кэлбитэ.

Дьэ дьиэрэй, чуордук дуорай,

Оһуо-оһуокай, эһиэ-эһиэкэй!

Бу манна чороону көтөҕөн

Кырдьаҕас уруйдуу тоһуйда,

Үс сэргэ аттыгар көрсүһэн

Көлүөнэм илиитин тутуста.

Дьэ дьиэрэй, чуордук дуорай,

Оһуо-оһуокай, эһиэ-эһиэкэй!

Кырдьаҕас алгыһын ытыктаан

Ыччатым көхтөөхтүк чуоҕуста,

Түһүлгэ оонньуута тэнийдэ,

Кылыыһыт, сүүрүк да үксээтэ.

Дьэ дьиэрэй, чуордук дуорай,

Оһуо-оһуокай, эһиэ-эһиэкэй!

Көр-күлүү үллэҥниир кэмигэр

Уол кыыска сибэкки туттарар,

Таптыырын күн бүгүн этиэҕин

Эдэркээн сүрэҕэ долгуйар.

Дьэ дьиэрэй, чуордук дуорай,

Оһуо-оһуокай, эһиэ-эһиэкэй!

Сарыал уота

(“Чороон” ВИА репертуарыттан)

Кырыа кыһын кыйданан

Үтүө күннэр үүннүлэр,

Самаан сайын салаллан

Күөх солкону бүрүннэ.

Маннык үтүө кэмнэргэ

Дойдум дьоно мунньустан

Ыһыах ыһан эрэллэр,

Алгыс тылын этэллэр.

Хос ырыата:

Уунуом этэ күөрэччи мин кымыстаах чороону,

Туойуом этэ доргуччу үрүҥ тунах ыһыаҕы,

Сарыал уота умайда, сайыммытын айхаллаан.

Хатыҥ, чэчир быыһынан

Хопто маҥан атынан

Ыһыах аһар тутааҕа

Тиийэн кэллэ сэргэҕэ.

Сахам сирин сайынын

Кэрэ кэмин бэлиэтэ

Аар хатыҥы симииллэр,

Дьиэрэҥкэйдээн тэйэллэр.

Хос ырыата

Уунуом этэ күөрэччи мин кымыстаах чороону,

Туойуом этэ доргуччу үрүҥ тунах ыһыаҕы,

Сарыал уота умайда, сайыммытын айхаллаан.

Ыһыах

(М.Хара тыллара, А.Варламова м.)

Өртөн ыла бэлэмнэнэн,

Үөрүү-көтүү аргыстанан,

Ыһыах буолар күнэ үүнэн,

Ыаллар бүгүн эрдэ туран,

Сарсыардаттан үгэс курдук

Саҕаланна ырыа-тойук.

Хос ырыата:

Ыһыах, ыһыах.

Үрүҥ тунах ыһыах.

Эдэр ыччат киэҥ да киэҥ

Ийэ сирбит туһунан,

“Үүнэ, үрдүү турдун”, – диэн

Өрөгөйдөөх ырыанан

Сүрэхпитин үөртүлэр,

Сүргэбитин күүртүлэр.

Ыһыах, ыһыах.

Үрүҥ тунах ыһыах.

Ону истэн тураммын

Санаан кэллим барытын:

Сэрии аны буолбатын,

Сэриигэ баҕарбаппыт,

Үлэ, эйэ ыһыаҕа

Өрөгөйдүү туруоҕа.

Ыһыах, ыһыах.

Үрүҥ тунах ыһыах

Таптал нарын чараҥын

Хаарыйбатын хаар хаһыҥ,

Тунах ыһыах түһүлгэтин

Тумнубатын ырыа-тойук,

Айар талаан эгэлгэтэ

Арчыластын алгыс курдук!

Хос ырыата:

Дьиэрэҥкэй

(Никифор Семенов репертуарыттан)

Кырдалынан, сыһыынан,

Хатыҥ чараҥ быыһынан

Сиккиэр тыаллыын сиэттиһэн,

Сэгэйбэхтээн иһэҕин,

Сайылыгым кыысчаана

Дьиэрэҥкэйи үҥкүүлээ.

Хос ырыата:

Оһуо-оһуо-оһуокай!

Эһиэ-эһиэ-эһиэкэй!

Сайылыгым кыысчаана,

Дьиэрэҥкэйи үҥкүүлээ.

Оһуор-дьарҕаа ыһыахха,

Оһуокайга, оонньууга,

Саҥа, сырдык үйэҕэ

Саха нарын кыысчаана

Сайылыгым үҥкүүтүн

Дьиэрэҥкэйи үҥкүүлээ.

Хос ырыата:

Оһуо-оһуо-оһуокай

Эһиэ-эһиэ-эһиэкэй

Сайылыгым кыысчаана

Дьэрэҥкэйи үҥкүүлээ.

Ыһыахха

(Н.Дьяконов т., А.Старков м.)

Көрбүтүм эйигин ыһыахха,

Кымыспыт иһиитин саҕана,

Үөрүүттэн-көтүүттэн долгуйан,

Үчүгэй даҕаны ыллыахха.

Хос ырыата:

Оһуордаах чороону тутаҥҥын

Сэргэхтик сэгэйэн испитиҥ,

Оһуокай оонньуутун тардаҥҥын

Оҕо дьон көрдөрүн аспытыҥ.

Туус маҥан ырбаахыҥ хамсыыра

Түһүлгэ томтойор үөһүгэр,

Кыталык көтөрүн хаамыыта

Эн этиҥ ол ыһыах күнүгэр.

Хос ырыата:

Эн күлүүҥ, мичээриҥ барыта

Эдэркээн сүрэхпэр иҥмитэ,

Күөх чараҥ налыйан барыыта

Түннүгүм анныгар түспүтэ

Хос ырыата:

Аар хатыҥ

(М.Тимофеев тыллара, Е.А. Егоровтар репертуардара)

Ыһыахха ыраахтан, чугастан ыалдьыттыы

Дьон-сэргэ мунньустуо бу манна.

Оһуокай, чуор хомус чугдааран уйгууруо

Бу алаас, бу түөлбэ, булгунньах.

Хос ырыата:

Онтон мин

Сырдык туос субаҕын,

Айгырас лабааҕын

Салама ыйааммын

Ситэрэн киэргэтэ,

Ситэрэн киэргэтэ –

Симиибин.

Алааспар сандал саас эргиллэн

Аар хатыҥ чэлгийэ көҕөрөн эрэҕин.

Илбиргэс ытарҕа сэбирдэх

Иннигэр-кэннигэр кэбиһэр симэҕиҥ.

Хос ырыата:

Дьиэрэҥкэйэ кэрэтиэн!

(Ф.Петров тыллара уонна матыыба)

Сайылыкка үрүҥ түүн,

Оһуокайдыыр киэһэҕэ

Хара харах кыысчааным

Дьиэрэҥкэйэ кэрэтиэн!

Хос ырыата:

Оо, уйдара-уйдара дайдаран,

Сахам нарын кыысчаана,

Килбик-килбик мичээрдии

Дьиэрэҥкэйэ кэрэтиэн!

Арай маннык күөрэгэй,

Күөх халлааҥҥа дьырылыыр,

Арай маннык кыталык

Үҥкүүлүүрэ буолуо дии.

Хос ырыата:

Оо, уйдара-уйдара дайдаран,

Сахам нарын кыысчаана,

Килбик-килбик мичээрдии

Дьиэрэҥкэйэ кэрэтиэн!

Тарҕат:

Ырытыыгын суруй

Защитный код
Обновить