“Дархан Уус” быыстапка номнуо 11-с төгүлүн ыытылынна. Борис Неустроев – Мандар Уус анал бирииһин Таатта улууһуттан Сергей Тарабукин ылла уонна кыайыылааҕынан ааттанна.
Быйылгы быыстапкаҕа араас улуустартан 77 уус кыттыыны ылла. Кинилэр икки күн устата “Уус-уран оҥоhуулаах быhах”, “Бастыҥ булт быһаҕа” уонна “Бастыҥ ас быһаҕа” номинацияларга күрэхтэстилэр. Ол курдук “Бастыҥ ас быһаҕа” номинацияҕа 58 маастар кытынна. Тургутууна Иннокентий Тарбахов ыытта. Күрэхтэһии түмүгүнэн үһүс бочуоттаах миэстэни Феликс Шамаев (Таатта), иккис — Виктор Кычкин (Чурапчы) бастакы – Сергей Тарабук (Таатта) ыллылар. Бу күн 17 уус “Уус-уран оҥоhуулаах быhах” номинацияҕа күрэхтэстилэр. Бастакы миэстэни Сергей Тарабукин (Таатта), иккис – Сергей Петров (Хаҥалас), үһүс — Леонид Говоров (Нам) буоллулар. Быыстапка иккис күнүгэр саамай күүтүүлээх “Бастыҥ булт быһаҕа” номинацияҕа күрэхтэһии буолла. Манна 61 уус кытынна. Бастакы миэстэни Феликс Шамаев (Таатта), иккис – Спартак Петров (Сунтаар), үһүс – Николай Неустроев (Таатта) ыллылар. Быйылгы быыстапка Борис Неустроев — Мандар Уус 75 сааһын туолар үбүлүөйүгэр ананна.
