Войти

Войти

Кыбытыылаах иис итэҕэл быһыытынан улахан харыс суолталаах. “Үргүөр үрбэтин,  тыал таарыйбатын” диэн халыҥ мааны таҥаска туттуллар ньыма.

Кыбытык тигиигэ сукуна, драп, габардин барсар. Кэтэр таҥаһы,  бэргэһэ, атах таҥаһын кытыытын киэргэтэргэ, чаппараахха, олбоххо о.д.а тутталлар.

Сукуна кээмэйэ 20х20 см, 10х15 см (улахан таҥаска флизелин сыһыарар ыарахан).

1. Флизелин сыһыараҕыт уонна үчүгэйдик өтүүктүүгүт.

2. Флизелиннээх өттүнэн тутан кээмэйдээн тэҥниигит.  Таҥаһы маннык өрүү тэҥнии сылдьар  ордук.

3. Икки араас өҥнөөх 2х2 см квадраты быһаҕыт.

4. Квадраттары диагоналынан быһан аҥардыыгыт.

5. Кыбытыкка таҥаһы туора (по косой) субуруччу быһаҕыт, кэтитэ 0,5 см.

6. Сирэй өттүлэринэн икки  араас өҥнөөх үс муннугу холбуу тутаҕыт.Тиктэххэ түөрт муннук тахсыахтаах.

7. Үс муннуктар икки ардыларыгар кыбытык киллэрэҕит (үс хос таҥаһы холбуу уонна тэҥнии тутаҕыт).

8.  Холбуу тутан тигэр сииккит 2 мм улаатыа суохтаах.

9. Тигии "вперед иголкой",
"назад  иголкой" буолуон сөп.

10. Тигиини муннуктан буолбакка, арыый тэйиччи саҕалыыгыт.

11. Сапкытын түмпэккит уонна муннук диэки бараҕыт уонна төннөҕүт.

12. Бүтэрэргитигэр эмиэ 2-3 сииги төттөрү кэлэҕит (массыынанан тигэргэ оннук түмүктэнэр дии, ол курдук).

13. Ойуу оҥороргутугар бастаан муннуктары холбуугут.

14. Ортоку ойуу ХАРЫСХАЛ диэн буолар. Толору тигиллэн баран өтүүктэниллэр.

15.  Онтон уҥа уонна хаҥас күрүөбүтүн тигэбит.
Тигэрбитигэр саппыт кыбытык өҥүн курдук буолар, онтон кыбытыктаан бүттүбүт да таҥаспыт өҥүнэн тигэбит.

Болҕойуҥ!

Иискэ умсугуйан кыбытыгы таҥас бүтүөр диэри тигэн бара туруохха сөп, ол сатаммат.

16. Күрүөлэри тигии бэрээдэгэ: икки кылгас күрүөлэр өрүү бастакы тигиллэллэр. Ол кэнниттэн эрэ уһун күрүөлэр тигиллэллэр.

17. Кылгас күрүөлэр куруук биир өттүгэр, уһуттара атын өттүгэр буолуохтаахтар.

18. Оччоҕо күрүөлэр муннуктарын хайысхалара кирилиэс курдук буолар. Бу айыыһыттар сылдьар суоллара, бу ойуу кэһиллиэ суохтаах.

19. Харысхал ойуута хайаан да күрүө муннугун кытта сөп түбэһэн тиксиэхтээх. Ол сатамматаҕына ойуу кэһиллэр.

20. Тигэн бүтэн баран өтүүктүүгүт.

Сирэй өттүгэр быга сылдьар күрүөнү сэрэнэн тэҥнии кырыйаҕыт.

IMG 20200428 WA0015

IMG 20200428 WA0013

IMG 20200428 WA0016

IMG 20200428 WA0014

IMG 20200428 WA0018

IMG 20200428 WA0019

IMG 20200428 WA0020

IMG 20200428 WA0021

IMG 20200428 WA0022

IMG 20200428 WA0023

IMG 20200428 WA0024

IMG 20200428 WA0025

IMG 20200428 WA0026

IMG 20200428 WA0027

Бу социальнай ситимҥэ кэлбит маастар-кылаас буолар, ааптара биллибэт. Онон ааптар үлэҕин биллэххинэ эрэдээксийэ нүөмэригэр эрийэн этээр, биһиги бэлиэтиэхпит.

Тарҕат:

Добавить комментарий

Бүтэһик сонуннар