Хой
Бииртэн биир түгэн күөрчэхтии эргитиэ. Дьылҕа Хаан тугу дук гыммытын бэлиэ курдук ылынан өйдүү сатаа. Бэлиэлэри сатаан аахтаххына үлэҕэ, харчыга, тапталга ситиһиилээх буолуо. Биисинэскэ этиһэр сатаммат. Барыга бары дьоруойдуу сатаама. Карьераҕын оҥосторго эппиэттээх кирбии кэлбит.
Оҕус
Туох үчүгэйи бэйэҕэр баҕараҕын – ону барытын бэйэҥ эрэ оҥостоҕун. Дьиэ-уот, нэһилиэстибэ кыһалҕата баар. Ыраах айаҥҥа турунарыҥ өссө да эрдэ. Олус аһааҥҥын ыалдьыаххын сөп. Бу өрөбүллэр кэлэр сылларга тугунан дьарыктаныахтааххын чопчулаан биэриэхтэрэ. Үлэҕин уларытар санааҥ эмиэ үүйэ-хаайа тутта.
Игирэлэр
Сүүстэ тургутан көрөн баран биирдэ олоххо киллэр. Дьыалаҕын-куолугун быртахтыан сөптөөх дьоҥҥо сэлээннээн кэбиһимэ. Дьиэ кэргэн бастакы миэстэҕэ таҕыстаҕына сатанар. Үлэҕэр барыта хараҥа курдук. Үрдүөхтээх хамнас, төттөрүтүн, түһэр кутталлаах. Баскыһыанньаҕа дьыбаантан оронон турбатаххына дьолгун көрсүөҥ суоҕа.
Араак
Наар айаннаан уонна кэпсэтэн тахсыаҥ. Ону туһанан хаал. Билсии-көрсүү бу дьалхааннаах кэмҥэ олус наада буолуо. Соһуччу идиэйэҕиттэн харчы кыһалҕата быһаарыллан хаалыа. Хамсаабат баай-дуол, дьиэ, сир суолтатын, дьэ, өйдөөн эрэҕин. Урукку тапталыҥ аалыҥнаан эрэйдиэ. Доруобуйаҕын көрдөрүнэргэ күһэллиэҥ. Элбэхтик сатыы хаамп.
Хахай
Бу нэдиэлэ хахайдары эмиэ урукку хоруудаҕа аҕалан умса анньыа. Тимир тулуур наада. Салалта тугу саҥарарын сүрэххэр чугастык ылыныма. Туохха кыахтааххын өссө төгүл дакаастаа. Тус олоххор тылгын босхо ыытыма. Ыарыы кыра сибикитин аахайбакка дириҥэтэн кэбиһимэ. Тирии, оһоҕос ураты болҕомтону эрэйэллэр. Үтүө түмүгү, аһы-үөлү аҕалыахтаах суолгун-иискин көрүнэ сырыт.
Кыыс
Соҕотоҕун мөҕүстэххинэ үпкэр-харчыгар оҕустарыаҥ. Бу нэдиэлэни этэҥҥэ аһарыаххын баҕарар буоллаххына, наадалаах дьону кытта кэпсэтиэхтээххин. Болдьох кэһиллэр, тутуллар, тардыллар түгэннэрэ элбэх буолуохтара. Эккин-сииҥҥин эрчий.
Ыйааһын
Тылгын кыана тутун, санааҕын аһаҕастык этимэ. Дьону кытта биир тылы буларыҥ элбэҕи быһаарыа. Үлэҕэр өр сыллаах былааҥҥын дьоһуннаахтык оҥостон улахан хардыыны оҥор. Үлэҕин чэпчэтэр туһуттан интэриниэти кытта доҕордос. Тус олоххор саарбахтыыр санаа суох буолуо. Кыра уоппуска ыллаххына дьиэ улахан түбүгүн үмүрүтүөҥ.
Скорпион
Хапытаалынай өрөмүөн, даача тутуута, саҥа миэбэли атыылаһыы баар. Үлэни тосту уларытар, атын куоракка көһөр, атын дохуоту булар кэм кэлбит. Норуот ньыматынан эмтэнии содуллаах буолуон сөп. Урут мээнэ алтыспатах дьон сүбэтин истимэ. Ханна айанныыргын барытын мүнүүтэтигэр диэри торумнаа. Баскыһыанньа хас да сыллаах олоххун биир охсуунан быһааран кэбиһиэ.
Охчут
Туох баар кыһалҕа барыта чаҕылҕанныы быһаарыллан иһиэ. Бытархай дьыалаҕа батыллыма. Сулумах охчуттар быһаарыылаах күннэрэ үүммүт. Үлэҕэр тыыныҥ-быарыҥ хаайтарар буоллаҕына, уурайаргыттан куттаныма. Эн билигин туохтан да, кимтэн да куттанар төрүөтүҥ суох. Ыараханы көтөҕөлөөмө. Баскыһынньаттан – айан, уоппуска.
Чубуку
Таптал эйигин өйүүр, күүскэр күүс биэрэр. Сүпсүлгэн, айманыы олус элбэх. Хойутаабакка сырыттаххына барытын ситиһиэҥ. Ботуччу харчы кэлэн түһүө. Барыстаах дьыалаттан-куолуттан батынан иһимэ. Көхсүҥ, атаҕыҥ, куртаҕыҥ баалларын биллэриэхтэрэ. Ыраах айаҥҥа туруна сатаама. Уоттан сэрэхтээх буол, дьиэни-уоту, уот ситимин өссө төгүл көрүн, бэрэбиэркэлээ.
Күрүлгэн
Төһөнөн мичээр, үөрүү аргыстааххын, соччонон барыта этэҥҥэ буолуо. Салалтаны кытта быһаарсарга, аахсарга табыгаһа суох нэдиэлэ. Доруобуйаҥ үчүгэй. Тус олоҕуҥ этэҥҥэ буоларын туһугар үчүгэйдик былааннаа. Сорохтору командировка, сорохтору баай-талым килийиэннэр күүтэллэр.
Балыктар
Бу нэдиэлэни таптыыр киһигэр эрэ аныахтааххын. Олох-дьаһах күннээҕи түбүгүттэн сылайбыккын. Бэйэҥ биисинэстэнэ сатыыгын да... Бөрүкүтэ суох ааттаах-суоллаах дьону кытта бииргэ үлэлииргин түргэнник тохтото оҕус. Уоппуска ылаҥҥын айылҕаҕа сынньана барарыҥ буоллар. Харчы дьыалатын уора-көстө, тыаһа-ууһа суох быһаарыс. Баскыһыанньаҕа алтыспыт дьонуҥ – кэлэр кэскилиҥ илдьиттэрэ. Кыратык да ыарыйдаххына көрдөрүнэн ис.
