Хой
Үлэ уонна социальнай кыһалҕа элбэх буолуо. Харчы баҕас баар. Соһуччу үллэ түһүө. Кэргэнниилэргэ ситэ-хото кэпсэппэт быһыы-майгы үөскүөн сөп. Уоппускаланар Хойдорго олус үчүгэй кэм кэлэн иһэр. Буор босхо кэриэтэ путевкаҕа тиксиэххит. Тымыр ыарыылаахтар суһал көмөҕө наадыйаллар.
Оҕус
Доруобуйа хаһааҥҥытааҕар да бөҕө, чэгиэн. Харчыҥ хара баһаам. Таптыыр киһиҥ соһуччу бэлэҕэ элбэх буолуо. Дьыала-куолу чааһыгар үтүө сыалга бииргэлэһии баар. Үлэҕэр кимиилээх буол. Ороскуоттаабыт харчыгын ааҕыма. Ыраах айан табыллыа. Дьоро киэһэни ыытарга дьулуһума.
Игирэлэр
Араас күрэхтэһиигэ уонна харчыны угууга аналлаах нэдиэлэ. Эппиэтинэһи сүгэртэн куттаныма. Тылланан ис. Таптал дьыалатыгар эмиэ хорсун буол. Истиҥ сыһыан сойбутун ириэрэ сатаама. Дьону кытта үөмэхтэһии, барыы-кэлии элбиэ. Күүскүн-күдэххин харыстаан, кэмчилээн тутун. Эти-сиини чэбдигирдэр хамсаныылары оҥорон саҕалаа.
Араак
Барыга-бары ураты болҕомтолоох буоллаххына, олох бары эйгэтигэр улахан ситиһии баар. Хоромньулаах буолуон сөптөөх дьыалаҕа күүскүн бараама. Барытын бэрэбиэркэлээн эрэ баран... Эн иннигэр киэҥ суол бөҕөтө тыргыллыа. Йога, спа-салон, сауна наада буолбут. Ньиэрбэҥ күүрэн бөҕө сылдьар. Аймаҕы кытта өйдөспөт быһыы-майгы үөскүө. Саҥа дьону кытта алтыһаргар санааҕын аһаҕастык этимэ.
Хахай
Сууйуу-сотуу, даачаҕа үлэ уонна айан. Көхсүҥ ыалдьыан сөп. хааныҥ баттааһына ойуоккалыа. Дьыала-куолу элбэх. Чопчу былааҥҥыттан туораама. Харчыны ыларга, нолуогу төлүүргэ кыһалҕаны көрсүөҥ. Үөрэнэргин саҕалаа. Саҥа идэни баһылаа. Бу нэдиэлэҕэ этиһии, тылынан бырахсыы содула улахан буолуон сөп.
Кыыс
Сэниэ ылар суолгун тобула сырыт. Соччо эрэммэт дьоҥҥун кытта алтыһа сатаама. Успуорт, дьарык туһалаах буолуо. Устурууктар наада. Тус олоххо оллур-боллур суол кэлбит. Толкуйдамматах дьыала суох буолуохтаах. Балаҕан ыйын саҥатыгар биирдэ уоскуйууһугун. Онуоха диэри күрүлэс күргүөм үлэ да үлэ!
Ыйааһын
Саҥа үлэ, дохуот туһунан толкуйданыаххын наада. Муҥурданыыга тиийбит буоллаххына, түбүгүрэ түһүөхтээххин. Тапталга, истиҥ сыһыаҥҥа табыллар күннэриҥ. Үтүө сурах бөҕө чугаһаан иһэр. Буостаҕын көрөргүн умнума. Өрөмүөн. Балыктыы, сынньана барартан батыныма.
Скорпион
Үтүө доҕотторо суох оруо маһы ортотунан үөскүүр кыһалҕаны саба туппатыҥ буолуо. Тус олоххор барытын бырастыы гын. Дьылҕа Хаан ыйааҕын араас албаһынан мүччү түһэриҥ ордук. Араас чаҕылхай, ураты дьону кытта көрсүөҥ. Чугас урууҥ-аймаҕыҥ ыарыыта улахан кыһалҕа буолуон сөп.
Охчут
Күрэстэһээччилэр араас үктэтиилээх хараҥа дьыалалара элбэх буолуо. Тумус киһи тириитин кэтэҥҥин, барытын мүччү түһүөҥ. Тылынан кыыра сылдьар дьону эрэнимэ. Массыына өрөмүөннүүргэ, дьиэ малын-салын атыылаһарга уонна ыраах да ыраах айанныырга саамай табыгастаах күннэр. Айар-тутар “ыарыылаах” Охчуттарга харчы уонна үөһэттэн өйөбүл баар буолуо.
Чубуку
Түптээн аһыыр да бириэмэ суох. Хата, үлэҥ түмүгэ дьону барытын соһутуо уонна үөрдүө. Соһуччу дохуот баар буолуо. Баҕар, нэһилиэстибэ, баҕар, аахсыйаттан бырыһыан. Хомондьуруопка, сөмөлүөтүнэн, массыынанан айан бу нэдиэлэҕэ кутталлаах буолуон сөп. Уолҕамчы уонна акаары хорсун буолума. Саҥа билсэр дьоҥҥут быыбар улаҕалаах үспүйүөннэрэ буолуохтарын сөп.
Күрүлгэн
Араас буом элбэх. Салалта да мөҕүө, дьиэҕэр да тутуһуохтара. Түргэнник уоскуйарга үөрэн. Сатыы сырыт, хаамп, сөтүөлээ. Маҕаһыыны баран “көһөрөн” кэл. Харчы харыыта суох, үрүйэлии устан киириэ. Ыал буоларга сөптөөх кэм. Дьолуҥ туһунан киһи аайы кэпсии сылдьыма.
Балыктар
Уруйдаах-айхаллаах үрдэлгэ тахсыбыккын. На´аа үөрэҥҥин, олус “сууйан” кэбиһимэ. Чөл олоҕу өрө тутар түһүмэх саҕаланна. Харчы бөҕөтө кумааһынньыккар киирэр да киирэр. Ол аайы эрчимирэ түһэҕин. Күннээххэ олус сылдьыма. Үлэ чааһын кэмигэр төлөпүөнүнэн кэпсэтэриҥ улахан охсуулаах буолуон сөп.