Хой
Саҥа ый эйиэхэ кэрэни түстүөҕэ. Үлэҕэ табыллыаҥ, кэллиэгэлэргин кытта биир биэс тыла суох уопсай тылы булуоҥ. Карьеристары улахан ситиһии күүтэр, атын эппиэтинэстээх дуоһунастаныахтарын сөп.Таптал чааһыгар үчүгэй уларыйыы тахсар чинчилээх. Өрөбүллэри хайаан да доҕотторгун, чугас дьоҥҥун кытта атаар.
Оҕус
Бу күннэргэ дьэрэкээн өҥнөөх таҥаһы-сабы кэт. Оччотугар сүргэҥөссө көтөҕүллүөҕэ. Үлэҕэр уларыйыы-тэлэрийии баар. Үп-харчы өттүгэр эппиэтинэстээх буол. Дьыалабыай кэпсэтиини оптурунньукка былааннаама. Салалтаҥ айаҥҥа ыытаары гыннаҕына аккаастаныма. Төһө да түбүктээх дьиэ үлэтэ силигин сиппэтэр, култуурнайдык сынньанары умнума.
Игирэлэр
Киириилээх-тахсыылаах үлэ нэдиэлэтэ күүтэр. Бэйэҕиҥ бырастыы гынарга үөрэн. Киһи барыта сыыһар, онон бэйэҕиҥ аһара буруйданыма. Саамай сүрүнэ сөптөөх быһаарыыны ылынан, иннин хоту баран ис. Өскөтүн сүрүн үлэҥ таһынан эбии дьарыктаах буолаххына, ол түмүгэ үөрүүлээх буолуоҕа. Дьиэ кэргэҥҥэ ил-эйэ, таптал күүскэ күөдьүйбүт.
Араак
Кыһалҕаны чугас дьоҥҥун, доҕотторгун, кэллиэгэлэргин кытта үллэстэртэн кыбыстыма. Бу күннэргэ харчыга ыктарыаҥ, иэскэ киирэр чинчи баар. Санааҕын тууйума, тапталлааххар барытын кэпсээ. Кыһалҕаны соҕотох быһаара сатыыр табыгаһа суоҕун өйдүөх тустааххын. Маны таһынан, суолга сэрэхтээх буол. Иллэҥ кэмҥэр күүскэ үҥкүүлээ, истириэскин таһаар.
Хахай
Эппиэтинэһи ылынан, өйдөөн, боччумнаах соҕустук сылдьарын наада. Үлэҕинэн араас дьоннуун алтыһан ааһыаҥ. Кинилэри кытта кэпсэтэргэ-ипсэтэргэ сэниэҕин барыаҕыҥ. Майгыҥ түргэнник уларыйа бэрт. Биирдэ үөрэҕин, биирдэ кыйаханан тураҕын. Элбэх киһи эйигиттэн саллар. Ол да буоллар, бэйэҥ тула дьону тардаҕын, түргэнник уопсай тыл булаҕын. Наһаа үлэҕэ охтума, тус олоххун учуоттаа.
Кыыс
Хайдах бааргынан сырыт, үрдүктүк тутта сатаама. Үлэҕэр тобуллаҕас толкуйдаах буол. Эйигиттэн салалтаҥ ону ирдиир. Билигин эн тас көстүүгүнэн былааһы ылаҕын. Эйигин сөбүлүү көрөөччүлэр бааллар. Ол үчүгэй эрээри, тапталлааҕын күнүүлээн туруон сөп. Онон атыттары кытта эрийсимэ. Кэлин үлүһүйэн туран кинигэ ааҕар буолбуккун. Өрөбүллэргэ кинигэнэн эрэ муҥурданыма, хайаан да дьиэҕиттэн тахсан сынньан.
Ыйааһын
Олус кэлиэххин-барыаххын баҕараҕын. Тас дойдуга сынньана барар баҕа күүһүрбүт. Хайыаххыный, билигин үлэҕэ умса түһэргэр тиийэҕин. Саатар, иллэҥ кэмҥэр даачаҕа, айылҕаҕа сырыт. Бэлиэтээн эттэххэ, кэллиэгэҕин кытта истиҥ сыһыаны үөскэтэр кутталлаах. Карьера туһуттан уган биэриэхтэрин сөп. Харчыгын харыстаа, доруобуйаҕын көрүн уонна үчүгэй настарыанньалаах буол.
Скорпион
Дьиэ салгына тупсарыгар үлэлиэххин наада. Дьиэлээхтэргин кытта сыһыан мөлтөөбүт. Сорох ардыгар тус санааҕын кэннигэр хаалларан, чугас дьоҥҥун истэриҥ буоллар. Хайдах өрүү эн баҕарбыккынан буолуоҕай? Бу күннэргэ үлэҕэ улахан ситиһии суох. Үлэҥ хайысхатын уларытыаххын саныыгын да, эппиэтинэстэн куттанаҕын быһыылаах. Дьиҥэр, күүскэ сананнаххына, барытын кыайар кыахтааххын.
Охчут
Атыттар тустарынан хобу-сиби тарҕатыма, быһаҕастарын-итэҕэстэрин ырытыма. Бу күннэргэ кими да албыннаама, аны тылгыттан хаптаран, аҕыс айдааны үөскэтиэххин сөп. Үлэҕэр бэриниилээхин, салалтаҥ сыаналыыр. Холостуойдары соһуччу билсии-көрсүү күүтэр. Успуордунан дьарыктан, элбэхтик хамнан. Ыйааһын түһэриэххин баҕар буоллаххына, сөптөөхтүк аһаа, наһаа өр утуйума.
Чубуку
Өрүү үчүгэйи эрэ санаа, суланан-кэлэнэн тахсыма. Чугас дьонуҥ кыһалҕаламмыттар. Кинилэргэ күүһүн-уоҕун тиийэринэн көмөлөс. Тапталлаах киһиҥ сороҕор эйигин өйдөөбөт. Киниэхэ уордайарын элбээбит. Ис санааҕын бэйэҕэр тутума, хайаан да аһаҕастык кэпсэт. Үлэҥ этэҥҥэ баран иһэр.
Күрүлгэн
Бэйэҕин сайыннарагар олус таһаарыылаах күннэр үүммүттэр. Эбии үөрэх куурустарыгар сылдьан, бэйэҕин сайыннар. Үлэҕэ, үөрэххэ олус баҕалааххын. Арай, доруобуйаҥ мөлтөөбүт. Көрдөрүнүөххүн наада. Минньигэһи сииргин аччатар бириэмэ уолдьаспыт. Өрөбүллэргэ сөбүлүүр, таптыыр киһигин кытта кыра айаҥҥа турунар эбиккит.
Балыктар
Махтанарга үөрэн. Эн тускар дьон кыһалларын буолуохтааҕын курдук ылыныма. Атыттарга эмиэ көмөлөһө сатаа. Нэдиэлэ иккис аҥаарыгар үлэҕэр үөрүүлээх быһыы-майгы буолуоҕа. Үп-харчы кыһалҕатын билбэккин, хамнаһыҥ өссө үрдүүрэ күүтүллэр. Өрөбүллэри үлэҕэр атаарыаҥ эрээри, ол түмүгэ өссө үчүгэй буолуоҕа.
