Хой
Киириилээх-тахсыылаах, судургут-а суох нэдиэлэ. Уларыйыы элбэҕэ бэрдиттэн туох быһаарыныыны ылыахтааххын өйдөөбөккө хаалыаххын сөп. Халлаанынан көтө сылдьан, дьиҥ балаһыанньаны сөпкө сыаналыырыҥ уустук курдук. Онтуҥ инниҥ диэки хардыылыыргын атахтыыр. Дьон сүбэтин иһит. Нэдиэлэ аҥаарын дьоҥҥо көмөлөһүүгэ ыытар чинчилээххин. Кыһалҕаны быһаараргар эппиэтинэстээх буол.
Оҕус
Нэдиэлэ бэркэ саҕаланар. Саҥа дьыалаҕа ылсарга тоҕоостоох кэм. Күүппэтэх дьоҥҥуттан өйөбүл ылыаҥ. Ол туһалаах буолуо. Быыһыгар арамаантыкалыы сыһыан сибикитэ көстөр. Ол оннугар иккис аҥаарыгар сынньаныаххын баҕарыаҥ. Барытын олус дуоспуруннаахтык ылынан иһимэ. Күлэри-үөрэри эмиэ сатыахха.
Игирэлэр
Кэлиҥҥигэ хаһааммыккын сөргүтэргэ, түмүктүүргэ тоҕоостоох кэм. Сулустар үтүө харахтарынан көрөллөр. Туохха эмэ ылсыаҥ иннинэ, кыаххын суоттанан көр. Туораттан көмөҕө дураһыйыма. Чугас киһиҥ эн идиэйэҕин биһирииһи. Тус сыһыаҥҥа да балаһыанньа бэртээхэй.
Араак
Идиэйэ бөҕө буолсугун. Ону ким да өйүүрэ көстүбэт, ол оннугар төттөрүтүн этээччи элбэх буолсу. Дьэ, оттон олоххо киллэрэн истэҕиҥ аайы ылынааччы элбиэ. Барыс киириэн сөп. Атыы-тутуу чааһа табыллыа, өскөтүн эрдэттэн былааннаан дьаһаннаххына. Үлэҕэ сыһыаннаах үчүгэй сонун баар. Эбэтэр урут билсэ сылдьыбыттаргыттан сэҥээрдэр этии киириэ.
Хахай
Нэдиэлэ баһыйар өттө холкутук, үчүгэйдик ааһыа. Араас өрүттээх дьыалаттан хайатыгар ордук болҕойуохтааххын бэйэҥ быһаарынар кыахтааххын. Дьикти сөп түбэсиһии, ураты быһыы-майгы биллиэх курдук. Нэдиэлэ бүтүүтэ тыҥааһыннаах түгэн үөскүөн сөп. Чугас дьоҥҥун кытта сыһыан олус судургута суох. Оттон эн сынньанары да умнан туран, элбэҕи оҥоруоххун наада.
Кыыс
Холкутуйууну умнар нэдиэлэҥ, ол гынан баран итинтэн холкутук тахсыаҥ. Сүрүнэ, провокацияҕа киирбэтиҥ, сөптөөх быһаарыныыны ылынарыҥ, судургута суох түгэҥҥэ сөптөөҕүн таларыҥ наада. Ситиһиини эрэйбэтэх дьыалаҥ табыллан, бэйэҥ да соһуйар чинчилээххин. Түгэни туһана сатыыгын да, барыта санаа иһинэн буолбат курдук. Сороххут айаҥҥа турунууһу. Түмүгэ астыннарыа. Соһуччу үчүгэй түмүктээх көрсүһүү да буоллаҕына, көҥүлэ.
Ыйааһын
Уустук нэдиэлэ. Элбэҕи ситиһиэххин баҕараҕын да, барыта тута кыалла охсубат. Онон хаста да төхтүрүйэн холоно сатаан баран, бэйэҕэр эрэлиҥ сүтэ быһыытыйыан сөп. Оннук түгэҥҥэ аттыгар эйигин өйүүр киһи наада, сүбэни иһит. Үлэҕэр уустук түгэн уруккутааҕар эбиллэр курдук. Эйигиттэн тугу ирдииллэрин өйдүө суоххун сөп. Тулуурдаах буол. Бу күннэргэ туох эрэ олус наадалааҕы билиэҥ. Бу нэдиэлэҕэ ылбыт уопутуҥ кэлин туһалыа.
Скорпион
Нэдиэлэ табыллыыттан саҕаланыа. Ону сатаан туһанар кыахтааххын. Урут кыайбатаххар ситиһии көстөр. Ураты уонна сөптөөх быһаарыныыны ылына охсоруҥ, тобуллаҕас өйүҥ онно туһалыыр. Соччо билбэт дьонуҥ кытта өйүүһүлэр. Олоххун тупсарар кыах улахан. Бэйэҥ кыһаллыаххын эрэ наада. Нэдиэлэ ортото үүт тураан буолуо. Айар-тутар дьоҕуруҥ күүһүрбүт. Ону туһанар тоҕоос баар.
Охчут
Баҕаҥ хоту барыта судургутук табыллан испит. Толкуйга түһэрэр түгэн, киһи итэҕэйэ охсуо суоҕун курдук дьикти сөп түбэсиһии элбэх буолсу. Дьон, бэл, чугас дьонум миигиттэн туох эрэ олус наадалааҕы кистиир диэн саарбахтаан да ылаҕын. Быһымахтык быһыыланыыттан туттун. Нэдиэлэ бүтүүтэ арамаантыкалаах сыһыаҥҥа тардыһыаҥ.
Чубуку
Нэдиэлэ саҕаланыыта быһаарыныы ылынаргар сэрэхтээх буол. Бэл, дуона да суох дии санаабытыҥ элбэҕи быһаарыан сөп. Ситиһиигэ олус эрэнимэ. Ол да буоллар тус бэйэҥ күүскэр эрэ тирэҕирдэххинэ, табыллыан сөп. Нэдиэлэ ортото олох судургу буолуо, барыны-бары кыайыах курдуккун. Ол эрээри ол дьиҥ быһаарсар дьыалаларгар буолуоҕун умнума. Тулалыыр дьону кытта өйдөһө сатаа.
Күрүлгэн
Нэдиэлэ саҕаланыыта былааннаабытыҥ барыта туолан иһиэ суоҕа, өйдөспөт быһыы тахсыан сөп. Биир дьыалаттан иккис дьыалаҕа көһөргө тиийиэҥ, ол алҕас тахсар кыаҕын улаатыннарар. Тулалыыр дьонуҥ аралдьыталлара да элбэҕэ бэрт. Ол да сыыйа барыта орун-оннугар түһүө. Нэдиэлэ ортото саҥалыы кыах бэриллэр. Тугу эрэ үтүө өттүгэр уларытыаҥ. Суолталаах быһаарыныыны ылынартан, көҕүлүүртэн туттунума. Чугас дьоҥҥор аһаҕас буол.
Балыктар
Нэдиэлэ саҕаланыыта тугуҥ барыта табыллан астыныаҥ. Хайдахтаах да баҕа санаам туолар диэххэр дылы. Ону баара, быһаарыныылаах буолуу эмиэ ирдэнэр. Бэлэми күүтэн олорума, хамсан. Нэдиэлэ ортото сынньана түс. Айар дьоҕуруҥ улаатыа. Элбэҕи толкуйдуугун, ураты түмүктэри оҥостоҕун. Саҥа билсиһии баар. Дьон үтүө сыанабылын ылар, бэл, хайаларын эрэ төбөтүн эргитэр кыахтаммыккын.
