Хой
Үлэ хобдох түмүгүттэн хомойбот гына, сүүрүгү өксөйө сатаама. Атыттартан ураты буолуоххун баҕардаххына да, сиэр быһыытынан дьаһан. Бэйэни эрэкэлээмэлиир, хайгыыр кэм буолбатах. Ол оннугар бүөмнээн олорон айымньылаахтык үлэлиириҥ, дьарыктанарыҥ уон бүк ордук буолуо. Туох эрэ саҥаҕа ылсыаҥ иннинэ, чопчу тугу баҕараргын быһаарын. Ардыгар “урукку” “саҥатааҕар” ордук буолааччы.
Оҕус
Тыын, ураты суолталаах соругу толорууга кэтэмэҕэйдээбэккэ ылсан ис. Ол сыраҕын-сылбаҕын ылбахтыа гынан баран, ситиһиилэнэр чинчи улахан. Бэйэҥ эрэ саарбахтыы саныыр, бэйэҕин сыаналаммат түгэҥҥэр ким да онно болҕойо суоҕа. Үтүөҕүн-өҥөҕүн дуорааннаахтык биллэрэргэр тоҕоостоох кэм. Бээтинсэҕэ сылаарҕаан ылыаҥ, күүскүн-күдэххин суоттанан дьаһан.
Игирэлэр
Дьулуургун, санааҕын эрэ уурдаргын, ситиһиилээх нэдиэлэ иһэр. Бэйэҥ тэтимҥинэн, эрдэттэн ылыммыт былааҥҥар олоҕуран, чуолаан уруккуттан ыра санаа оҥостубуккун олоххо киллэрэргэ ылыстаххына, ордук табыллыаҥ. Күүһүҥ-уоҕуҥ муҥутуурдук үрдээбит кэмин туттумахтас. Тус олоххор үөрүүлээх түгэн дэлэй буолсу. Сорох Игирэлэри уруу тэрээһинэ, дьиэ кэргэҥҥэ да эбиллии күүтэр курдук.
Араак
Хорсун бырайыактары киллэрэргэ, карьераны тупсарарга бэртээхэй нэдиэлэ. Сүрүнэ, туруоруммут сыалгын ситиһэр, баар уустуктары кыайар санааҥ күүһүрүөн эрэ наада. Киирэр иһитиннэриини барытын ыраас мууска ууран, ылынан иһимэ. Чопчута суох буолар кутталлаах. Арамаантыкалаах билсиһиигэ табыллар кэмиҥ. Тапталгын көрсөр кыаҕыҥ улахан. Бэрт сэргэх өрөбүл күүтэр.
Хахай
Дьыалабыай партнердары кытта үөскээбит боппуруостары быһаарсарга соччото суох кэм. Хайа-хайаҕыт да баһылыыр-көһүлүүр миэстэни ыла сатыа. Биир тылы буларга кыһаммытыҥ ордук. Оптуорунньукка болҕомтолоох буол, халлаанынан дайа сылдьыма. Субуотаҕа сөбүлээбэт, таһаҕас оҥостор дьайыыгар ылсыбатыҥ көнө. Бу нэдиэлэҕэ буолар быһыы-майгы тус олоххун саҥалыы сыаналыыргар көмөлөһүө.
Кыыс Куо
Бэйэ бодоҕун, эмоцияҕын көрүнэ сырыт, биир баһыттан иккис баһыгар көтүөлүүргүн тохтот. Уустук сыһыан түһүмэҕэр үктэммиккин, онон доҕотторгор, кэллэгэлэргэр уонна бииргэ үлэлэһээччилэргэр ураты болҕомтолоохтук, харыстабыллаахтык сыһыаннас. Нэдиэлэ саҕаланыыта тус олоххун, кыһалҕаҕын умнан, үлэҕэр оройгунан түһэриҥ туһалыа. Аһаҕас кэпсэтииттэн куота-көтө сатаама. Өрөбүлгэ чугас дьоҥҥор эн көмөҥ наада буолан туруон сөп.
Ыйааһыннар
Сүрүн күүскүн, санааҕын тулалыыр эйгэҕин кытта өйдөһүүгэ туһаай. Олоҕурбут сибээһи быһарыҥ, үлэҕин уларытарыҥ эбэтэр саҥа тапталы була сатыырыҥ -- сыыһа буолуо. Баары сыаналыы үөрэн. Бээтинсэҕэ буолар биир түгэн биллэ холкутатыа, олоҕу үтүө өттүнэн көрөргө көмөлөһүө. Субуотаҕа буолар өйдөспөт быһыы бэрт сотору уостан, дьыала ситиһиилээхтик түмүктэнэрин мэһэйдиэ суоҕа.
Скорпион
Нэдиэлэ саҕаланыыта – биисинэскэ барсар кэм. Ол быыһыгар эн арамаантыкаҕа, ыраланар турукка тиийэ туруоҥ. Ол куһаҕана суох, ыра, туоларыгар тоҕоостоох күн-дьыл турар. Сулустар үтүөҕэ, кэрэҕэ эрэнэргэ сүбэлииллэр. Кэмсиниэҥ суоҕа. Соһуччу үөрүү тосхойуута, бэлэх, бириэмийэ да баар буоллаҕына көҥүл. Үлэнэн олус үлүһүйбэккэ, дьиэ кэргэҥҥин, тапталлааххын, атын да дууһаҕын сылаанньытар түгэннэри саныаҥ этэ.
Охчут
Бу нэдиэлэ быраабылатын эн олохтуугун. Онон тугу эрэ сөбүлээбэт түгэҥҥэр – ол тус бэйэҥ тугу эрэ бутуйбуккуттан тахсыбыт буолуон сөп. Үлэ да үгүөрү буолуо эрээри, төлөбүрэ да ботуччу буолуо, эбиитин тус кыһалҕаларгын умуннара быһыытыйыа. Саҥа дьыаланы саҕалыырга барсар нэдиэлэ, ол эрээри уруккулары быраҕан, уталытан кэбиһэргэ тиэтэйимэ. Аймахтаргар эн көмөҥ, кыһамньыҥ наада.
Чубуку
Санааҕар, иннигин халыҥ эркин бүөлүү түспүт курдук, ол эрээри сыалгын-соруккун саас-сааһынан арааран, биирдиилээн быһаардаххына, барыта табыллыа. Сүрүнэ, саллыбакка-самныбакка, саҕалыаххын эрэ наада. Нэдиэлэ саҕаланыыта, бэл, сэрэхтээх да курдук тэрээһиннэргэ ымыттыбакка ылсарыҥ ордук. Сэрэдэҕэ кэрэ эйгэтин кытта алтыһыыҥ саҥа талааҥҥын арыйарга көмөлөһүө. Эйигиттэн ыраах, суохтаабыт киһигиттэн күүтүүлээх иһитиннэрии кэлэр чинчилээх.
Күрүлгэн
Хас биирдии тылгын толкуйдаан саҥар. Алҕас быктарбыт биир тылыҥ бэйэҕин утары үлэлиэн сөп. Холкутуйуу, олохтон дуоһуйуу быыһыгар уу аннынааҕы таастар, суолгун бүөлүү кыраабыллар сытар буолуохтарын сөбүн умнума. Нэдиэлэ ортото сүпсүлгэннээх, туһата суох хамсаныылардаах буолуон сөп. Чэппиэргэ күөрэйэр кыһалҕа бэрт судургутук быһаарыллар кыаҕа суох. Онон көмөлөһөөччүлэр элбэх да буоллахтарына, дьайыы тосхолун тус бэйэҥ торумнууруҥ ордук.
Балыктар
Олохтон кэлэйиини тохтотор, эмтиир күүс – тапталлаах үлэҕэр оройгунан түһүү. Бөлүһүөктүү, толкуйдуу сатаама, онтуҥ, төттөрүтүн, дэпириэссийэ¡э түһэрэр кутталлаах. Ол оннугар бытархай үөрүүттэн дуоһуйа, санааҕын сылаанньыта үөрэн. Чугас дьонуҥ эйигин сөпкө өйдүүллэрин курдук кыһан. Бу кэм сотору ааһыа.