Хой
Араас санааттан-онооттон үчүгэйдик сынньаныаххын наада. Иллэҥ бириэмэҥ элбээн, санааҕа ылларар буолбуккун. Бэйэҕин саататыаххын наада. Тапталлааххын кытта аһаҕастык кэпсэтии күүтэр. Онно тылгын-өскүн хонтуруолланаар, ордук-хоһу саҥарбат буола сатаа. Уларыйыыны ыксатыма, наһаа элбэҕи ирдээмэ. Өрөбүллэр үлэҕэ ситиһиилээхтик ааһыахтара. Салалтаҥ сорудаҕын этэҥҥэ толорон иһэҕиҥ. Сотору хамнас кэлиэҕэ.
Оҕус
Таптыыр киһиҥ олоҕор наһаа суолталааххын дакаастыы сатыыгын. Кини миигинэ суох табыллыбат дии саныыгын эрээри, киһигин аһара кыыһыртаххына, арахсыаххытын да сөп. Эйиэхэ булгуччу тутуһуллар быраабылалар бааллар. Олору кэһимэ, бэйэҕэр ирдэбиллээх буол. Бу нэдиэлэҕэ имиджи тупсарыы, саҥа таҥас-сап атыылаһыы улахан үөрүүнү аҕалыаҕа. Кэрэ аҥаардар ордук тупсубуттар, кырасыабайдара бэргээбит. Кытаатан төрөппүттэргитигэр, бииргэ төрөөбүттэргитигэр болҕомтолоох буолуҥ.
Игирэлэр
Тулуурдаах уонна дьүккүөрдээх буоллаххына, нэдиэлэни этэҥҥэ ааһыаҕыҥ. Киириилээх-тахсыылаах соҕус күннэр күүтэллэр. Дьоҥҥо эрэннэрэн баран, онтугун толорбот буолбуккун. Кимтэн эмэ иэс харчы ылбыт буоллаххына, төнүннэриэххин наада. Үлэҕэр эйигин түһэрэ, намтата сатааччылар бааллар. Кинилэргэ киирэн биэрбэккэ сырыт. Дьиэлээхтэргэр эйигиттэн улахан көмө наада буолбут. Дьоҥҥун кытта бириэмэни бииргэ атаар.
Араак
Киирсиилээх соҕус нэдиэлэ күүтэр. Кимниин эрэ улахханнык мөкүһүөххүн сөп. Иннигин биэрбэккинэн былааһы ылаҕын. Сулумахтар, сытыы-хотуу бөҕө буолбуккут, саҥа билсии-көрсүү дэлэй. Үлэҕэр арыый да эппиэтинэстээх буол. Ыһыллыы-тоҕуллуу баар. Дьиҥэр, бэйэҕин көрдөрөргөр кыах бөҕө баар эрээри, түгэни мүччү тута сылдьар курдуккун. Доруобуйаҕын көрүнэ сырыт. Эн олоххор эти-хааны эрчийии букатын суоҕун кэриэтэ. Онон успуорду кытта доҕордоһуохха наада.
Хахай
Барытын соҕотоҕун кыайыам диир буоллаххына, улаханнык сыыһаҕын. Бэйэҕин наһаа кыахтаах курдук сананан бүт. Син биир билбэтиҥ-көрбөтүҥ, кыайбатыҥ олус элбэх. Уопсайынан, бу күннэр ыарахан соҕустук ааһыахтара. Тулалыыр дьоҥҥун кытта өйдөспөт түгэн элбэх. Ол үксэ -- эйигиттэн. Онон майгыны-сигилини хонтуруолланар наада. Иллэҥ кэмҥэр туох эрэ дьарыктаах буол, онно үлүһүйдэххинэ, бириэмэҥ түргэнник ааһыаҕа.
Кыыс
Бу нэдиэлэҕэ олус үлэһитиҥ киирбит. Дьиэ ис-тас үлэтиттэн саҕалаан, тус үлэҕэр тиийэ туруоруммут сыалгын-соруккун ситиһиэҕиҥ. Күннээҕи көрсөр кыһалҕалары чэпчэкитик ааһар чинчилээххин. Нэдиэлэ иккис аҥаарыгар дьыалабыай кэпсэтии табыллыыһы. Арай доруобуйа биллэ мөлтөөбүт. Битэмииннээх аһы сиэххин наада. Кэлиҥҥи кэмҥэ үгүс Кыыһы төбө ыарыыта буулаабыт. Сэрэхтээх буолуҥ.
Ыйааһын
Дьыалабыай кэпсэтии табыллыыһы, онон тылгын-өскүн чочуйа сырыт. Спортсменнар, дьарык бөҕө буолбуккут. Уопсайынан, эти-хааны чэбдигирдэргэ кыайыылаах күннэр күүтэллэр. Дьиэҕэр соҕотох хааллаххына, олохтон барбыт чугас киһигин элбэхтик саныыр буолбуккун. Санааҕын ыраастаан дьиэҕэр чүмэчитэ умат. Сэрэдэҕэ саҥа дьону кытта билсэр кэм. Бу ордук соҕотохсуйбут сүрэхтэргэ суолталаах. Дьиэ кэргэҥҥэ сыһыаннаах боппуруостары түргэнник быһаарар ордук.
Скорпион
Өй-санаа, күүс-күдэх күүрүүтэ муҥнаабыт. Айар-тутар үлэлээх дьон, кыаххытын толору туһаныаххытын наада. Кимиэхэ эрэ кырдьыгы дакаастыы сатыыгын. Алҕаскын көннөрүнэ сатаан, ыгылыйбыккын аҕай. Саамай сүрүнэ, буруйгун билинэр буоллаххына, барыта этэҥҥэ ааһыаҕа. Эбии дохуот киириитэ үчүгэй. Кэтэхтэн харчылаһаргын бииргэ үлэлиир дьонуҥ билбэттэрэ ордук: айдаан тахсар чинчилээх. Тапталга туох да уларыйыы суох.
Охчут
Оскуолаҕа бииргэ үөрэммит доҕотторгун кытта көрсүһүү күүтэр. Кинилэри кытта алтыһан, уруккуну-хойуккуну санаһан үөрүөҥ-көтүөҥ. Маныаха хаһан эрэ үчүгэйдик алтыһа сылдьыбыт киһигин кытта сибээскин сөргүтүөҥ. Муусукаҕа сыстаҕас дьон, саҥа үстүрүмүөнү баһылыахтара. Улахан алҕаһы таһаарбат гына нэдиэлэтээҕи былааҥҥын эрдэттэн торумнаан кэбис. Харчы кырыымчыга бэлиэтэнэр, ити кыһалҕаттан сылтаан дьиэлээхтэргин кытта өйдөспүт түгэн үүнүөҕэ. Тулуурдаах буол.
Чубуку
Саҥа хардыыны оҥорорго тоҕоостоох кэм. Күннээҕинэн олорор курдуккун, дьиҥэр, бириэмэ ааһан иһэр. Бириэмэҕин сыаналаа, харыстаа. Күннээҕи олоххор олус элбэх интэриэһинэй, сырдык-ыраас дьоннуун алтыһан ааһаҕын. Кинилэргэ болҕомтолоох буол. Кэлин кэмсиммэт гына... Аҕа саастаах Чубукулар, наһаа күүскэ үлэлээмэҥ, харыстаныҥ диэн сулустар сүбэлииллэр. Эн сытыы тыллааххын тулалыыр дьонуҥ бэлиэтииллэр. Тылгын-өскүн кыана сырыт, доҕотторуҥ кистэлэҥнэрин ыһа-тоҕо кэпсээмэ.
Күрүлгэн
Туох баар тулуургун барытын мунньун. Наһаа эппиэтинэстээх нэдиэлэ күүтэр. Үлэҕэ да, дьиэ кэргэн сыһыаныгар да түбүгүрүү бөҕөтө буолуоҥ. Ханнык да түгэҥҥэ чиэһинэй уонна сиэрдээх буол. Дьон көмө көрдөстөҕүнэ аккаастаама.Үтүө үтүөнэн төннөрүн умнума. Төһө да уустук буоллар, тапталлааххын кытта сыһыаны тупсарарга туруулас. Кинини өйдүү сатаа, кыаллар буоллаҕына, бырастыы гын. Куһаҕан настарыанньаҕын дьоҥҥо биллэримэ.
Балыктар
Куһаҕана суох нэдиэлэ күүтэр. Олоҕуҥ саҥа кэрдиис кэмигэр үктэммиккин. Эйигин туох эрэ саҥа уларыйыы күүтэр. Аны туран, туох эрэ күрэххэ кыайан, салалтаҕыттан хайҕана сылдьаҕын. Дьиэ кэргэҥҥин кытта сыһыан үчүгэй. Дьиэ үлэтин бары бииргэ үмүрүтэҕит, иллэҥ бириэмэҕитин бииргэ атаараҕыт. Туора дьон санаатыгар наһаа наадыйыма, истимэ. Атын дьон кыһалҕатын быһаарыыга үлүһүйүмэ. Өрөбүллэргэ улахан суолталаах билсиһии күүтэр.
