Хой

Үүнэр нэлиэлэ холку соҕустук ааһыаҕа. Ол гынан баран, бэйэҕиттэн тутулуктаах. Күннээҕи кыһалҕаны наһаа үллэримэ, омуннаама. Дьиэ кэргэн кыһалҕатын түргэнник быһаара үөрэн. Тапталлааҕыҥ доруобуйатыгар болҕомто уур. Өрөбүллэри көр-күлүү аргыстаах доҕоттору кытта атаарар былаан баар. Аны туран, өр кэмҥэ ыра санаа оҥостубут сыаналаах малгын атыылаһар түгэн көстүөҕэ. Атыылаһыаҥ иннинэ тэрилгин үчүгэйдик бэрэбиэркэлээ.

Оҕус

Кэллиэгэлэргин кытта мөккүһэриҥ элбээбит. Эн тускунан соччо бэрдэ суох сурах-садьык тарҕаммыт. Бииргэ үлэлиир “үтүө” санаалаах кэллиэгэҥ сатабылынан диэххэ сөп. Ону быһаарсарга сыраҥ-сылбаҥ бараныа. Аны туран, ыарыыны ыралаама, куһаҕаны биттэнимэ. Таптал чааһа истиҥ бөҕө. Доҕоргун кытта наһаа үчүгэйдик алтыһар, аһаҕастык кэпсэтэр буолбуккут. Уопсайынан, куһаҕана суох күннэр үүнүөхтэрэ.

Игирэлэр

Үчүгэйдик ыраастаныаххын наада. Бу – дьиэни-уоту хомунууттан саҕалаан өйгүн-санааҕын сааһыланаргар тиийэ. Уларыйыы буолар чинчилээх. Бэйэҥ күүстээх өрүккүн өрө тутан сырыт, эрэлгин улаатыннар. Үлэҕэ табыллыы үрдүк, элбэхтик хайҕаныаҕыҥ. Күннээҕи олоҕуҥ аһара биир буоллаҕына, уларытыыны киллэр. Холобур, үлэҕэ барар суолгун уларыт, хаһан да амсайан көрбөтөх бүлүүдэҕин астаан көр, саҥа мал-сал, таҥас-сап атыылаһыаххын сөп.

Араак

Кыһалҕаттан куота сатаама уонна аһара суланыма. Билиҥҥи балаһыанньаҕа ол наадата суох. Үлэҕэр бииртэн биир түбүк элбэх. Онон аралдьыйан сырыт. Тус олоххор өйдөспөт буолуу баар. Саҥа билсэн-көрсөн иһэр киһигин тэйитэргэ санаммыккын да... Үчүгэйдик толкуйдан, кэлин кэмсиммэт гына. Аны туран, нэдиэлэ бүтэһигэр улахан тургутууну ааһыаҕыҥ. Бу түгэни мүччү түстэххинэ, барыта этэҥҥэ буолуоҕа. Кытаат, ситиһиини!

Хахай

Наһаа үлэнэн эрэ олорума, тус олоххор эмиэ бириэмэтэ хааллар. Таптыыр киһиҥ эйигиттэн олус бириэмэ эрэйэр эбит эрээри, аһаҕастык санаатын эппэт. Киниэхэ туох эрэ соһуччу үөрүүнү бэлэхтииргэ дьулус. Маны таһынан, доҕоттору кытта бириэмэни атаарарга саамай чаҕылхай күннэр үүммүттэр. Онон сэргэх соҕустук туттан-хаптан сылдьарыҥ үчүгэй. Чугас дьүөгэҕин (табаарыскын) кытта аһаҕастык кэпсэтэн санааҥ чэпчиэ.

Кыыс

Эр дьон бу күннэргэ элбэҕи ситиһиэхтэрэ. Кинилэр кыахтара хаһааҥҥытааҕар да улаатан сылдьар кэмэ. Туһалаах бырайыак олоххо киирэр кыахтаах. Даҕаттахха, дьахталлар да хаалсыбаттар. Ол эрээри ордук ситиһиилээх эр дьон буолуохтара. Олоҕуҥ аргыһыгар истиҥ сыһыаҥҥын бэлэхтииргин умнума. Өскөтүн хомоппут буоллаххына, тута балаһыанньаны көннөрүөххүн наада. Өйдөспөт буолууну бэйэҥ үөскэтэргин өйдүөххүн наада.

Ыйааһын

Инникигин олус умсугуйан туран былааннаама. Син биир барыта уларыйыаҕа. Ол хайаатар да куһаҕан диэн буолбакка, үчүгэй өрүттэрдээх буоларын умнума. Суоппардар, айан суолугар мээнэ тылласпакка, болҕомтолоох соҕустук айаннааҥ. Саамай сүрүнэ, суол быраабылатын кэһимэҥ. Нэдиэлэ устата оҕолоргун уонна тапталлааххын кытта дьиэ-уот үлэтин кыайа-хото тутуоххут, элбэхтик алтыһыаххыт.

Скорпион

Аҕа саастаах Скорпионнар мададьыастаабыттар. Элбэҕи хамнанар буолбуттар, доруобуйалара да биллэ тупсубут. Үлэнэн үлүһүйүү баар, ол үтүө түмүктээх буолуоҕа. Харчы биирдэ кутулла түһүөҕэ. Онон өссө күүскэ үлэлээн биэриҥ. Доруобуйаҕа охсубатын курдук, бэйэҕитин кэтэнэ сылдьыҥ. Кыра айан күүтэр. Өрөбүллэри айылҕаҕа, көй салгыҥҥа атаарыаххыт. Күнтэн харыстана сылдьыҥ, таһырдьа хайаан да бэргэһэлээх тахсыҥ.

Охчут

Симик-килбик буоларыҥ олус мэһэйдиир. Атахтыыр да диэххэ сөп. Онон сытыы-хотуу соҕустук сылдьарыҥ буоллар, өссө элбэх ситиһиилээх буолуоҥ этэ.Бу ордук сулумахтарга сыһыаннаах. Наһаа кыбыстар буолаҥҥыт, тус олоххутун уларыппаккыт. Кэрэ аҥаардар нэдиэлэ устата элбэхтик куукунаҕа түбүгүрүөхтэрэ. Ыалдьыттар көхтөөхтүк кэлэн барыахтара. Эр дьон сөбүлүүр дьарыктарынан үлүһүйэн, улаханнык дуоһуйуохтара.

Чубуку

Эмискэ баҕайы сылаарҕаан ылыаҕыҥ. Дьону кытта алтыһар да баҕа сүппүт курдук. Ол эрээри курус санааҕа ылларар туһата суох. Кэлиҥҥи күннэр олус түбүктээхтик ааһар буоланнар буолуо, олус сылайбыт курдуккун. Үлэҕэ ирдэбил икки-үс бүк улааппыт эбит. Тус олох туһунан эттэххэ, кимниин эрэ чугастык алтыһыаххын саныыгын да, туох эрэ кыаллыбат. Бу күннэри бэйэҕэр бүгэн, санааҕын-онооҕун ыраастанарга ыытыаҕыҥ. Ол кэлин олус туһалыа.

Күрүлгэн

Ыксаллаах быһыыга-майгыга эппиэтинэһи бэйэҕэр ылынар үтүө дьоҕурдааххын. Нэдиэлэ бастакы күннэригэр үлэлиир тэрилтэҕин, кэллиэгэлэргин улаханнык абырыаҕыҥ. Ыаллар дьиэ-уот үлэтин үмүрүтүүгэ сылдьаллар. Хата, бары бииргэ үлэлиир буолаҥҥыт, бэйэ икки ардыгар сыһыан тупсубут. Успуордунан дьарыктанарга саамай тоҕоостоох кэм үүммүт. Онон чөл олохтоох, доруобай буол диэн сулустар сүбэлииллэр.

Балыктар

Бэйэҕиттэн балыс дьону кытта түргэнник уопсай тылы булаҕын. Чахчы, өрүү эдэрдэри кытта алтыһар буолаҥҥын буолуо, эрчимиҥ сүрдээх улахан. Бу ордук аҕа саастаах дьоҥҥо аналлаах. Дьиэтээҕи кыһалҕаҕын доҕотторгор аһаҕастык кэпсээмэ, кэлин кэпсээн оҥосто сылдьыахтара. Хата, ол оннугар бэйэ бодотун тупсарарга кыһалын. Салгыы имиджи тупсарар санаа үөскээбит. Тапталлааххын кытта сыһыан олус истиҥ