Хой

Нэдиэлэ олус дьыалабыайдык саҕаланыаҕа. Үлэҕинэн элбэхтик барыаҥ-кэлиэҥ. Онон ыар баттыгас буолбут дьыалаҕын-куолугун ситиһэргэ таһаарыылаах күннэр үүнүөхтэрэ. Айар куттаах Хойдор биир саҥа бырайыакка ылсан ситиһиилээхтик үлэлээн эрэллэр. Маныаха сууту-сокуону кытта үлэҕэ эмиэ табыллыы күүтэр. Үлэҕэр эппиэтинэс үрдүк. Аҕа саастаах кэллиэгэлэриҥ кыралаан кириитикэлииллэр. Тус олох этэҥҥэ. Сулумахтар, тулаҕытын үчүгэйдик болҕойон көрөргүт буоллар. Эһиэхэ аналлаах киһи олус чугас сылдьар эбит.

Оҕус

Аҥаардас “барыта үчүгэй буолуо” диэн сылдьар сатаммат курдук. Киирэн-тахсан, санааны этэн иһиэххэ наада. Үлэҕэр өйдөспөт түгэн таҕыстаҕына, наһаа абарар, кыыһырар наадата суох. Кэллиэгэлэриҥ түргэнник уоскуйуохтара. Өрөбүллэри дьиэ кэргэни кытта атаарар ордук. Наһаа бара-кэлэ сатаама. Тапталлааххын кытта сыһыаҥҥа арыый да боччумнаах буоларыҥ ирдэнэр. Тус олоххун бигэтик оҥостуоххун саныыр буоллаххына, истиҥ сыһыан туһугар туруулаһыаххын наада. Доруобуйа этэҥҥэ эрээри, таҥаскын-сапкын көрүнэ сылдьарыҥ эрэйиллэр.

Игирэлэр

Нэдиэлэ саҕаланыыта улахан иирсээҥҥэ киирэн биэриэххин сөп. Онон тылгар-өскөр сэрэхтээх буол. Уопсайынан, кыыһырдаххына, отой толкуйдаабакка саҥарар эбиккин. Ол иһин тулалыыр дьоҥҥун өһүргэтэриҥ элбээбит. Нэдиэлэ ортото үлэҕин уларытар туһунан санаалар киириэхтэрэ. Онон саҥа да үлэни көрдөнөн барыаххын сөп курдук. Өрөбүллэргэ доҕоттору кытта көрсүһүү, истиҥ-сэргэх кэпсэтии буолуо. Бу көрсүһүүттэн санааҥ улаханнык көтөҕүллүөҕэ.

Араак

Санааҕар барыта сатаммат, кыаллыбат курдук. Санааҕа-онооҕо ылларбыт курдуккун. Онон дэпириэссийэҕэ ылларбакка, сырдык санааҕа салайтаран сылдьыахха наада. Киэһэ утуйан быстыбат буоллаххына, бытаан муусуканы холбоон баран утуйан көр. Тус олох чааһыгар улахан уларыйыы бэлиэтэммэт. Тапталлаахтар, сыһыаҥҥытын харыстааҥ диэн сулустар сүбэлииллэр.Өссө эккитин-хааҥҥытын эрчийэ сырыттаххытына, ордук табыллыаххыт. Аҕа саастаах Араактары үрдүк үөрүү күүтэр. Оҕолоруҥ, сиэннэриҥ соһуччу бэлэх оҥоруохтара.

Хахай

Үчүгэй нэдиэлэ күүтэр. Санааҕын сааһыланан, үлэҕин-хамнаскын былааннанан, чэпчээн бөҕө сылдьаҕын. Тапталлааххын, доҕотторгун кытта алтыһан настарыанньаҥ ордук көтөҕүллүбүт. Кэллиэгэлэриҥ сыһыаннара куһаҕана суох. Ол эрээри ордук санааччылар, бэрт былдьаһааччылар көстүөхтэрэ. Кэрэ аҥаардар, эр дьону кытта мөккүспэккэ, киҥир-хаҥыр саҥарбакка сылдьа сатааҥ. Маны таһынан үөрэнээччилэр, устудьуоннар үөрэххэ тардыһыылара хаһааҥҥытааҕар да күүһүрбүт. Үгүс Хахай үөрэх диэн баран, муннукка ытаабыт.

Кыыс

Эйигиттэн сүбэ-ама көрдөөччүлэргэ болҕомтолоох буол. Эн таһаарылаахтык үлэлииргин элбэх киһи бэлиэтиир. Онон сатабылыҥ, дьоҕуруҥ кистэлэҥин арыйан биэримэ. Бу нэдиэлэҕэ маастар кылаас, эбии дьону кытта билсии-көрсүү элбэх буолуоҕа. Аны туран, сулумахтар олохторугар эппиэттээх күннэр тыҥаабыттар. Ыаллар өйдөһөн-өйөһөн дьоллоохтук олороллор. Өссө биир уопсай бырайыагы олоххо киллэрэргэ санаммыттар эбит.

Ыйааһын

Нэдиэлэ саҕаланыыта олус көрүдьүөс буолуоҕа. Туох эрэ күлүүлээх быһыыга-майгыга түбэһэн, быарыҥ быстыар диэри күлүү-салыы буолуоҕуҥ. Оттон нэдиэлэ ортото күүстээх үлэҕэ баттатыаҥ. Дьыаланы-куолуну кытта үлэлээччилэр, ордук болҕомтолоох буоларгыт ирдэнэр. Сыыһа-халты туттуоххутун сөп. Өрөбүллэри чугас дьоҥҥутун кытта бииргэ атаарыҥ. Сылаас дьиэҕэ сытан киинэтэ көрүҥ, кинигэтэ ааҕыҥ, дьиэлээхтэргитин кытта алтыһыҥ. Доруобуйа этэҥҥэ.

Скорпион

Нэдиэлэ чуумпу соҕустук саҕаланыа эрээри, түмүгэ наһаа түбүктээх буолуоҕа. Өрөбүллэри үлэ үөһүгэр атаарар чинчилээххин. Өссө дьиэ үлэтэ эбиллэн биэриэҕэ. Эр дьон күүстээх үлэҕэ баттаппыттар. Ыараханы көтөҕөртөн сэрэниҥ. Төрөппүттэр, бу нэдиэлэни оҕолоргутугар аныыргыт суолталлаах. Кинилэр эһиги болҕомтоҕутун эрэйэллэр. Аһаҕастык кэпсэтэн кинилэр кыһалҕаларын бииргэ быһаарыҥ. Дьиэ уотун-күөһүн үчүгэйдик араара сылдьыҥ, уоттан сэрэхтээх буолуҥ диэн сулустар сүбэлииллэр.

Охчут

Саҥа саҕахтары арыйарга, интэриэһинэй идиэйэлэри олоххо киллэрэргэ наһаа үчүгэй күннэр. Саҥа биисинэһи тэринэргэ, биир санаалаахтаргын кытта санаа атастаһарга ситиһиилээх күннэр. Урбаан эйгэтин үлэһиттэригэр үп-харчы киириитэ күүһүрбүт. Аны туран, наһаа үлэнэн эрэ олорор сатаммат курдук. Онон иллэҥ бириэмэҕитин сэргэхтик атаарыҥ. Холобур, култуурунайдык сынньаныҥ, баран-кэлэн иһиҥ. Ол гынан баран аһыы утаҕынан үлүһүйүмэҥ. Арыгы содула олус сэрэхтээҕин өйдөөҥ.

Чубуку

Ситиһиилээх нэдиэлэ күүтэр. Бары өттүнэн табыллыаҥ. Төрөппүттэргитин кытта өрүү сибээстэһэ сылдьыҥ. Дьахтар аймах уруккуттан ыралаабыт сыаналаах малларын атыылаһан, халлааҥҥа көтүөх курдук, үөрэн сылдьаллар. Эр дьон да хаалсыбаттар, ситиһиилэрэ элбэх. Тус олоххо баарт күүтэр. Тапталлаахтар сыһыаннара өссө биир үктэл үөһэ тахсыбыт, сыһыаннара өссө истиҥ буолбут. Суоппардар, суол-иис быраабылатын кэспэккэ, этэҥҥэ айаннааҥ. Нэдиэлэ түмүгэр соһуччу үөрүү күүтэр...

Күрүлгэн

Урут чугастык алтыһа сылдьыбыт киһиҥ баарын биллэриэҕэ. Кинини кытта хайдах алтыһаргыттан инники сыһыаҥҥыт тутулуктаах. Ситэ эппэккэ хаалбыт тылларгын тиэрдиэххин сөп. Үлэттэн аһара сылайбыт буоллаххына, уоппуска ыларыҥ наада. Бу күннэри чуҥкук соҕустук атаарыаҕыҥ. Ол эрээри, үтүө түмүктэри оҥостон, салгыы үлэлииргэ сыал-сорук туруорунуоҥ. Тус олоххо үчүгэй уларыйыы күүтэр. Туохтан да толлума.

Балыктар

Аҕа саастаах Балыктар, доруобуйаҕытын үчүгэйдик көрүнүөххүтүн наада. Ыарыы сибикитэ биллибит. Үлэҥ наһаа элбэх сыраны-сылбаны эрэйэр. Бу күннэргэ элбэх дьоннуун алтыһан ааһыаҥ. Түбүктээх үлэ кэннэ эйигин сырдык-ыраас дьиэҕэр тапталлаах дьонуҥ күүтэллэр. Кинилэр сылаас сыһыаннара олус суолталаах. Өрөбүллэргэ дириҥ ис хоһоонноох киинэни көрөн, элбэх толкуйга түһүөҥ. Санааҕа ылларбакка, сэргэх соҕустук туттан-хаптан сырыт.