Киир

Киир

Хой

хой

Бу нэдиэлэҕэ эппиэтинэстэн куотуммутуҥ кэлин охсуулаах буолуоҕа. Онон туохтан да толлубакка үлэлээн иһиэххин наада. Болҕомтото суоххуттан сылтаан туох эрэ наадалаах иһитиннэриини кулгааҕын таһынан аһарыаххын сөп. Тулалыыр дьонуҥ эйигин олус үтүө киһи дии саныыллар. Өрөбүллэри дьиэ кэргэҥҥин кытта атаарарыҥ ордук буолуо. Доруобуйа туругун көрүнэр ордук, ыарыы буулаары гыммыт чинчитэ баар.

Оҕус

о5ус

Бу нэдиэлэ сынньанар, биир сиргэ түптээн олорор диэни умуннарыаҕа. Үлэ-хамнас элбэх сыраны-сылбаны эрэйэр, биир сиргэ олордуо суоҕа. Ол да буоллар ыксыыр-ыгылыйар наадата суох. Ыар санааҕа ылларан, олус баттатан сылдьаҕын. Тус олоххор эмиэ кыһалҕалар үөскүөхтэрин сөп. Тапталлааххын кытта кыра иирсээн үөскүүр чинчилээх. Оптуруонньукка таайан көрөр дьоҕургунан биир олус суолталаах дьыаланы быһаарыаҥ.

Игирэлэр

игирэ

Тус кыаххар эрэммитиҥ ордук. Эйигин уган биэрээччилэр бааллар. Бу ордук кэллиэгэлэргиттэн тахсыаҕа. Бииргэ үлэлиир дьоҥҥун наһаа чугас доҕор-атас курдук ылынарыҥ табыллыбат. Үлэ эппиэтинэстээх уонна сылаалаах буолуоҕа. Хата өрөбүллэр олус таһаарыылаахтык, ситиһиилээхтик ааһыахтара. Сотору кэминэн ыраах айаҥҥа турунар кыах көстүөҕэ. Ол кэлии-барыы ураты устуоруйалаах буолуоҕа.

Араак

араак

Бу нэдиэлэ санааҕар уһун-киэҥ курдук буолуо эрээри, былааннаабытыҥ барыта олоххо киирэн үөрдүөҕэ. Онон тохтоон хаалбакка, инниҥ хоту баран ис. Нэдиэлэ түмүгэр соччо тапсыбат дьоҥҥун кытта аһаҕастык кэпсэтэн санааҥ чэпчиэҕэ. Тапталлааххын кытта сыһыаҥҥа болҕомтолоох буоларыҥ ордук. Чугас киһиҥ тугу эрэ кистиир эбит, кини кыһалҕатын бииргэ быһаараргыт үчүгэй. Иллэҥ бириэмэҕин сэргэхтик атаара сатаа.

Хахай

хахай

Бу нэдиэлэ таһаарыылаах буолуоҕа. Үлэҕэ ситиһиигинэн бастакы күөҥҥэ сылдьаҕын. Бу күннэр биллибэккэ ааһыахтара. Ол төрүөтүнэн күҥҥүн сөптөөхтүк былааннаммытыҥ буолуоҕа. Санааҕын аһаҕастык этэртэн, саҥа идиэйэни киллэрэртэн толлума. Ыаллар кыратык өйдөспөккө буолан баран, кэлин сыһыаннара көнөн эрэр... Кытаатан бэйэ-бэйэни истэ үөрэниҥ, сыһыан өттүгэр тулуурдаах-дьулуурдаах буолуҥ.

Кыыс

кыыс

Быстах, кыра ситиһиилэргин ыһа-тоҕо кэпсии сылдьыма. Былааны алдьата сатааччылар көстүөхтэрэ. Үлэнэн аһара үлүһүйэн чугас дьон туһунан умнан кэбиһэр сатаммат. Үлэни уонна сынньалаҥы араара сатаа, күннээҕи олох кыһалҕатын аһыы олорон дьиэлээхтэргин кытта ырытартан туттун. Өрөбүллэри доҕор-атас хампаанньатыгар атаарыаҥ. Ордук эр дьон өрөбүллэргэ туттумахтаан хаалыахтара.

Ыйааһын

ыйааьын

Нэдиэлэ мунньуллубут үлэни үмүрүтүүттэн саҕаланыаҕа. Онон дьыаланы-куолуну бүтэрэ-оһоро охсорго тиэтэй. Кэлиҥҥи кэмҥэ олус хоргус буолбуккун. Кыраттан олус хомойоҕун, өйгөр-санааҕар тутаҕын. Кэллиэгэлэриҥ кириитикэлэригэр наһаа аахыйыма, бэрт былдьаһар да буолуохтарын сөп. Нэдиэлэ бүтүүтэ саҥа билсиһии-көрсүһүү баар буолуо, харчы киириэҕэ. Сулумах дьону улахан уларыйыы күүтэр.

Скорпион

скорпион

Биир сиргэ тэпсэҥнии турума. Өскөтүн эдэр, сайдар баҕалаах үлэһит буоллаххына, инниҥ хоту баран ис. Дьиҥэр, бу орто саастаах дьоҥҥо эмиэ сыһыаннаах. Атын үлэҕэ, атын сиргэ көһөртөн толлубат ордук. Эн олоххор туох эрэ суолталаах уларыйыы буолуоҕа, онно бэлэм буолуоххун наада. Наһаа өлө-сүтэ үлэлиир доруобуйаҕа охсуулааҕын өйдөө. Успуордунан дьарыктанарга бириэмэ буллаххына, ситиһииҥ өссө элбиэ.

Охчут

охчут

Ситиһии ситиһиинэн кынаттаныаҕа. Билигин санааҥ бөҕөх буолан, ылсыбыккын барытын ыпсарыаҥ. Уопсайынан, кэлэктиип лиидэрдэрэ, салайааччылара дьону-сэргэни бэйэлэрин тула түмүөхтэрэ. Дьиэ кэргэн аҕам саастаах киһитэ туһаааннаах сүбэни-аманы биэриэҕэ. Ол кэннэ хараҕыҥ “арыллан” ситиһиилээхтик үлэлиэҥ. Эдэрдэр тапталга көтүмэх сыһыаннаахтар, онон ыал буолар туһунан быһаарынар өссө эрдэ курдук.

Чубуку

чубуку

Бииргэ үлэлиир дьоҥҥун кытта туттуна соҕус кэпсэт. Тылгыттан хаптарыаххын сөп. Аһаҕас айах буолбатах ордук, үпкэ-харчыга охсуулаах буолуон сөп. Дьыалабыай көрсүһүүлэргэ оттомноох буол. Өрөбүллэри төрөппүттэргин, оҕолоргун кытта атаарар үрдүк үөрүүнү аҕалыа. Нэдиэлэ иккис аҥаарыттан бииртэн биир үчүгэй сонун кэлэн иһиэ. Таптал чааһыгар ситиһии күүтэр. Ыаллар хамсаабат баай атыылаһарга, саҥа массыыналанарга маҥнайгы улахан хардыыны оҥорбуттар.

Күрүлгэн

курулгэн

Ыкса билсэр киһиҥ туһунан урут истибэтэххин истэн соһуйуоҥ. Кини эн хараххар букатын атын киһи быһыытынан көстүөҕэ. Ол эрээри, бу киһиэхэ сыһыаҥҥын тосту уларытан кэбиһэртэн туттун. Ыксаама. Тиэхиньикэттэн сэрэхтээх буол. Доруобуйаҕын алларытар куттал баар курдук. Онон туохха да ыксаабакка сырыт. Нэдиэлэ улахан аҥаарын үлэҕэ атаарыаҥ. Онон өрөбүллэргэ аралдьыйыаххын, үчүгэйдик сынньаныаххын наада.

Балыктар

балыктар

Бэнидиэнньиктэн саҕалаан арамаантыка саҕаланыаҕа. Тапталлааҕыҥ хаһааҥҥытааҕар да истиҥ иэйиитин аныыр, соһуччу үөрүүнү бэлэхтиир буолбут. Ол хайаатар да сыаналаах бэлэх буолбакка, ураты сыһыан буолуон эмиэ сөп. Сулумах балыктарга сулустар саҥа көрсүһүүнү, ыал буолуу төлкөтүн түстүүллэр. Бу күннэргэ бэйэҕин үчүгэйдик көрдөрдөххүнэ, дуоһунаһыҥ үрдүүр чинчилээх. Харчы да дэлэй буолуоҕа. Чуҥкук олохтоохпут диэн ытанымаҥ, өрөбүллэри бэһиэлэйдик атаарарга дьулуһуҥ.

Тарҕат:

Санааҕын суруй