Киир

Киир

Хой

хой

Бэйэҕэр бүгэн хаалыма. Дьоннуун элбэхтик алтыс, кэлииттэн-барыыттан аккаастаныма. Өскөтүн, эн үчүгэй настарыанньалаах буоллаххына, тулаҥ барыта сырдыырга, ырааһырарга дылы. Бу сылга үлэҕэр улахан уларыйыылар күүтэллэр. Харчы кырыымчык диир сатаммат, үп-харчы боппуруоһа бэрт табыгастаахтык салаллан иһэр. Сулустар эйиэхэ үүнэр нэдиэлэҕэ настарыанньаҕын хонтуруолланаргар сүбэлииллэр. Тус олоххо уларыйыы суох.

Оҕус

о5ус

Үлэҕэ ыксаан, ыгылыйан ылар үктэтиилээх күннэр үүммүттэр. Бу ордук салайар дуоһунастаах дьоҥҥо сыһыаннаах. Эр дьон айылҕалыын алтыһар баҕалара улааппыт. Үлэ боппуруостарын мунньубакка быһааран ис, кэлин эрэйдэммэт курдук. Сулумахтар саас буолан уһуктубуттар. Өрөбүллэргэ сибидээнньэҕэ ыҥырыллыаххыт. Оттон тапталлаахтар сыһыаннарыгар өссө биир суолталааах уларыйыы бэлиэтэнэр.

Игирэлэр

игирэ

Бу күннэргэ олус күүстээхтик үлэлии сылдьаҕын. Кыратык сынньаныаххын, уоппускаҕа барыаххын саныыгын да, ол кыаллар чинчитэ суох. Кэлэктиипкэ эйигинэ суох табыллыа суохтара. Тулалыыр дьоҥҥор наһаа кытаанах буолума уонна кыра алҕас аайы хомолтону иҥэринимэ. Сүрэҕиҥ аҥаарын кытта кыралаан иирсэн ылыаххыт эрээри, эн өһөспөтөххүнэ өйдөһөр ньыманы түргэнник тобулуоххут. Туохха барытыгар чэпчэки буол.  

Араак

араак

Эрдэттэн нэдиэлэҕин былааннаатаххына, үгүһү ситиһэр кыахтааххын. Кэлиҥҥи кэмҥэ үлэ элбээн, аһара умнуган буолбуккун. Ол иһин күннээҕи үлэҕин үчүгэйдик былааннаан сылдьарыҥ ордук. Эр дьон өрөбүллэргэ дьиэ ис-тас үлэтин төлө көтүөхтэрэ. Хаһаайкалар оҕуруот олордуутунан, тус дьарыгы сөргүтүүнэн дьарыктаныахтара. Төрөппүттэр, оҕолоргутугар сылаас сыһыаҥҥытын аныыргытын умнумаҥ. Бириэмэҕитин бииргэ атаара сатааҥ.

Хахай

хахай

Уустук бырайыагы олоххо киллэрэргэ табыгастаах күннэр үүммүттэр. Бу күннэргэ үлэ элбэх. Кэллиэгэлэргин кытта иирсээҥҥэ отой киирэн биэримэ. Ол иһин туох баар күүскүн, сатабылгын үлэҕэ аныаҥ. Доруобуйа туругар болҕомтолоох буоларыҥ ирдэнэр. Үгүстэри сис ыарыыта буулаабыт. Өрөбүллэргэ чугас аймахтаргын кытта көрсүһүү үөрүүнү аҕалыаҕа. Сулумахтарга интэриэс улахан. Онон түгэни мүччү туппаккыт буоллар...

Кыыс

кыыс

Урбаан эйгэтин үлэһиттэрэ, бэйэ дьыалатын тэринээччилэр дьүккүөрдээхтик үлэлиэххитин наада. Бу күннэргэ тэрилтэҕитин атаҕар туруораргытыгар кыах бөҕө көстүө, ситиһии кэлиэҕэ. Саҥа сыаналаах мал-сал атыылаһарга болҕомтолоох буолуҥ, хаачыстыбатын хонтуруоллааҥ. Уопсайынан, бу күннэр үлэҕэ ананыахтара, тус олох умнууга хаалар чинчилээх. Сулумахтарга ирдэбиллэрэ күн-түүн үрдээн иһэр.

Ыйааһын

ыйааьын

Эрдэттэн өрөбүллэри былааннаама. Тоҕо диэтэххэ, былааныҥ ыһыллар чинчилээх. Ол төрүөтэ дьиэ-уот кыһалҕата, бүппэт түмүгэ буолуоҕа. Үлэҕэ олус элбэх бириэмэни аныыр буолаҥҥын, дьиэлээхтэргэр бириэмэ тиийбэт курдук. Ол иһин иирсээн тахсара элбээбит. Онон сыраҕын-сылбаҕын тапталлааххын кытта өйдөһүүгэ, өйөһүүгэ аныаҕыҥ. Хас биирдии ыал көрсөн ааһар кыһалҕата, онон өйдөспөт түгэни дириҥэтимиэххин эрэ наада.

Скорпион

скорпион

Тус олоххор уларыйыы-тэлэрийии элбэх. Чугас киһигэр сыһыаҥҥын тосту уларыппыккын. Ол төһө оруннааҕын олорон истэххинэ өйдүөҕүҥ. Үлэҕэ сыһыан эмиэ уларыйбыт. Урукку курдук өлө-сүтэ буолбакка, бириэмэҕин аттаран үлэҕэ аныыгын. Бу нэдиэлэҕэ доҕотторгун кытта интэриэһинэй айаҥҥа турунууһугун. Оттон өрөбүллэри олус сэргэхтик атаарар кыахтааххын. Аҕам саастаах Скорпионнар доруобуйаларын туруга биллэ көммүт. Успуорду кытта сыһыаҥҥытын быһымаҥ.

Охчут

охчут

Эн олус кыахтааххын уонна түргэн туттуулааххын. Ол гынан баран бу дьоҕуруҥ эйигин өрүү арыаллаабат. Сорох ардыгар олус сүрэҕэлдьиигин. Бириэмэни халтай ыыппакка, бэриллибит сорудаҕы толорон истэххинэ, элбэҕи ситиһэр кыахтааххын. Бу күннэргэ эйигин эрэллээх дьон тулалыылларын өссө төгүл өйдүөҥ. Суоппардар, айаҥҥа болҕомтолоох буолуҥ, ыраах айаҥҥа соҕотох турунумаҥ. Эр дьон, таптал сыһыаныгар тулуурдаах уонна арыый да сымнаҕас буоларгыт эрэйиллэр.

Чубуку

чубуку

Эйигин билсиһии-көрсүһүү күүтэр. Күннэтэ алтыһар эйгэҥ улаатан иһэр. Ол төрүөтэ эн кэпсэтинньэҥ майгыҥ буолар. Дьиэ кэргэн, таптал сыһыаныгар күчүмэҕэй түгэн суох. Эдэрдэр, бэйэҕитин кытта өссө да билсиэххит-көрсүөххүт турдаҕа. Сөбүлүүр дьарыккынан наһаа үлүһүйэр буолбуккун, иллэҥ бириэмэҕин онно аныыгын. Төһө сатанарынан өрөбүллэргэ уугун ханар гына утуй. Кэлэр нэдиэлэ олус тыҥааһыннаах буолуоҕа.

Күрүлгэн

курулгэн

Ситиһиилээх нэдиэлэ тосхойоору турар. Үлэттэн саҕалаан тус олоххо тиийэ барыта чэпчэки буолуоҕа. Тус кыаххын толору туһанарга кыах бөҕө баар. Үлэҕэр эппиэтинэһиҥ өссө үрдээбит, салалта ону бэркэ сыаналыыр. Харчы курулаччы кутуллан иһиэҕэ, онон үпкүн туохха ыытаргын чопчулаан былааннан. Тапталлааххар соһуччу үөрүүнү бэлэхтииргэ дьулус. Сулустар аҕам саастаах дьоҥҥо убаастабыллаах сыһыаннаах буоларга сүбэлииллэр.

Балыктар

балыктар

Эбии үп-харчы киириэх курдук. Быһыыта, иккис үлэҕиттэн быһыылаах. Элбэҕи үлэлиигин, ол иһин дохуотуҥ үрдүк. Дьиэнэн айаҥҥа турунарга, барарга-кэлэргэ олус табыгастаах күннэр. Кыра кыһалҕа аайы кыйыттыма, дьиэлээхтэргин кытта сыһыаны буортулаама. Аргыый наллаан сылдьар курдуккун эрээри, сыалгын бэркэ ситиһэн иһэҕин. Бу тэтими ыһыктыма, ситиһиилээх буол. Доруобуйа өттүгэр кыһалҕа үөскээтэҕинэ, тута бырааска сүүрэр ордук. Ыарыыны тулуйа сылдьыма.

Тарҕат:

Санааҕын суруй