Хой
Чэппиэргэ харчыгын мээнэ матайдаама, дьону кытта алтыһаргар уопсай орто сүрүнү була, өйдөһө сатаа. Күҥҥүтүн-дьылгытын, бэйэҕит кыаххытын таба аттардаххытына, эһиги үүнэр-сайдар суолгутугар туох да мэһэй-хааччах суох. Нэдиэлэ иккис аҥаарыгар доҕотторгутун кытта элбэхтик көрсүһүөххүт. Онно кэргэҥҥитин илдьэ баран үчүгэйдик билиһиннэриҥ, ол үтүө эрэ түмүктээх буолуо. Табыллар күннэр – олунньу 3, 6 күннэрэ, табыллыбат – 5.
Оҕус
Нэдиэлэ бастакы аҥаарыгар харчыгытын кэмчилээн туттуҥ. Үлэҕэ-хамнаска кыра уустуктар, мэһэйдэр бааллар. Ол аайы санааҕытын түһэримэҥ, оптимист буолуҥ. Ханна эрэ чэпчэки, үөрүүлээх айаҥҥа барар былааҥҥытын олоххо киллэрэргитигэр – табыгастаах нэдиэлэ. Күннээҕи олох-дьаһах ньаҕайыттан сынньанарга, саҥаны-сонуну билэргэ бэртээхэй күн-дьыл. Табыллар күннэр – олунньу 1, 5 күннэрэ, табыллыбат – 6.
Игирэлэр
Игирэлэр аһара таайтарыылаах, кистэлэҥ уобарастара тулалыыр дьону тардыа, умсугутуо. Сорох игирэлэр бу нэдиэлэҕэ сайдыы саҥа таһымыгар тахсыахтара. Саҥа билсиһии, туораттан көмө туһунан бу нэдиэлэҕэ толкуйдаабатаххыт көнө. Олор – суохтар. Арай, тапталга, иэйиигэ сыһыаннаах саҥа билсиһии баар буолуон сөп. Дьон тылын-өһүн, санаатын истэ сатааҥ, туһалаах буолуо.Табыллар күннэр – 3, 6, табыллыбат – 4.
Араак
Бу нэдиэлэ оптуорунньугар оҥорбут билсиһиигит ханнык да харчытааҕар күндү буолуоҕа. Онон, дьиэҕитин туһалаах малынан-салынан толоро сатааҥ. Бу дьарыккыт эһигини күрэстэһээччилэргитин кытта күөнтэһииттэн сынньатыа. Нэдиэлэ бүтүүтүгэр Араак быыһааччы-абырааччы оруолугар киирэн хаалыан сөп. Тус дьыала сатарыйыыта, кыра алдьаныы-кээһэнии эмиэ баар буолуо. Табыллар күннэр –2, 5, табыллыбат – 3.
Хахай
Оптуорунньукка үлэҕэр күөрэйэр иирсээҥҥэ кыбыллан бэйэҕэр туһата-наадата суох хос кыһалҕаны үөскэтимэ. Сэрэдэҕэ балаһыанньаҥ тупсуо. Бу күн хахайдар кэлэр кэскиллэрин түстүүр бүтэһиктээх быһаарыыны ылыныахтарын наада. Чэппиэртэн кинилэр күннээҕи кыһалҕаларын ыпсаран, салалталарын кытта сыһыаны тупсаран, дьыалаларын барытын бэркэ бүтэрэн барыахтара. Табыллар күннэр – 2, 4, табыллыбат – 5.
Кыыс
Нэдиэлэ саҕаланыыта – хапсыһыы кэмэ. Үлэҕэ да, ыкса алтыһыыга да Кыыс элбэх тыҥааһыны көрсүө. Нэдиэлэ ортото кини күүскэ турунан, бу нэдиэлэтээҕи боппуруостары барытын быһаарыа. Бириэмэни халтайга ыытыма, кэлэр былааннаргын торумнаа. Доруобуйаҕынан оонньоомо. Хайдахтаах да үлэ-хамнас сыаната доруобуйаны толук уурарга эппиэттэспэт. Табыллар күннэр – 3, 5, табыллыбат – 2.
Ыйааһын
Бу нэдиэлэтээҕи былаан – айылҕаттан бэриллибит дьоҕуру-кыаҕы туһанан үлэ боппуруоһун быһаарыы. Үлэҥ ис кислэлэҥнэригэр өтөн киирэ, ким да билбэтин билэ сатаама, орто сүрүнү тутус. Үлэҥ – тобуллуо, саҥа кыахтар арыллыахтара, улахан кээмэйдээх информацияны илдьиритэр кыахтаныаҥ. Ону хайаан да толору туһаныаххын наада. Табыллар күннэр – 1, 3, табыллыбат – 4.
Скорпион
Нэдиэлэ бастакы аҥаарыгар бэйэҥ кыаххыттан-таһымҥыттан астыммат санаа үөскүө. Бытааннык гынан баран эрэллээхтик үлэҕэр-хамнаскар сыыйа киирэн барыаҥ. Кыйаханыаххын сөп. Ол мөкү настарыанньа нэдиэлэ ортотугар муҥутуурдук тыҥыы сылдьыа. Бу кэмҥэ наадалаах малы-салы атыылаһар санааҕын кыатана тутун. Чэ, туох да диэбит иһин, бу кэмҥэ эн сыалгын ситиэҥ. Табыллар күннэр — 4, 5, табыллыбат – 6.
Охчут
Бу нэдиэлэни быһа үлэ-хамнас бөҕө күүтэр, бириэмэ кырыымчык. Ол да гыннар, быыс булан, биир эмэ киэһэни доҕотторгор анаа. Нэдиэлэ ортотуттан саҕалаан кэлэр былааннаргын чопчулаа. Ону былаанныыргар эн чугас эргимтэҕиттэн хайаларын эрэ аһара ньылаҥнаһар майгыта көҕүлүө. Быһата, ону уорбалыы саныаҥ. Бу нэдиэлэ – үчүгэй быһыы-майгы барыта олоххо киирэр кэмэ. Табыллар күннэр – 1, 5, табыллыбат – 3.
Чубуку
Салгымтыалаах, бүтэн-оһон биэрбэт дьыалалары бэнидиэнньиккэ бүтэрэ сатаа. Оччоҕуна оптуорунньукка холкутук кэлэр былааннаргын оҥоруоҥ. Бу нэдиэлэҕэ бэйэҥ уонна чугас дьонуҥ туһугар былааннаабыккын барытын олоххо киллэриэҥ. Бу кэм устата эн туох эрэ быһымах, аһара уустук былааннары оҥоруоххун ыралана саныыгын. Өрөбүлгэ үчүгэйдик сынньан. Табыллар күннэр – 2, 4, табыллыбат – 6.
Күрүлгэн
Сорох күрүлгэннэргэ олох уустук кэмнэрэ түбүлүөхтэрэ. Үлэ наһаа элбэх, онон дьыалаҕын ыпсарар туһугар элбэҕи айанныаххын наада. Дьулуурдаах дьону ситиһии күүтэр. Сэрэдэттэн саҕалаан күрүлгэннэр, бэйэлэрин тус интэриэстэрин умнан туран, атын дьоҥҥо көмөлөһөн сыра-хара, түбүк бөҕө буолуохтара. Субуота киэһэтигэр саҥа былаан, сорук оҥостон өйүҥ-санааҥ тобуллуо, үөрүөҥ-көтүөҥ. Табыллар күннэр – 4, 6, табыллыбат – 1.
Балыктар
Кэнсэлээрийэ маҕаһыыныгар сылдьа сатаа. Ол сылдьан ким эрэ кумааҕы, уруучука, хоруопкалаах мал атыылаһан үөрүө-көтүө. Бу нэдиэлэҕэ ханнык эрэ үтүө сурах кэлэн балыктар олохторун төрдүттэн уларытыа. Өрөбүлгэ дьиэ кэргэн олоҕор түбүлээн турбут туох эрэ хааччах төлөрүйэн, чугас дьоҥҥун кытта бириэмэҕин олус бэркэ атаарыаҥ. Табыллар күннэр – 5, 6, табыллыбат – 3.
