Хой
Нэдиэлэ бастакы аҥаарын чугас дьоҥҥутун, дьиэ кэргэҥҥитин кытта өрө көтөҕүллүү, таптал долгунугар аһарыаххыт. Ханнык эрэ үөрүүлээх тэрээһиннэргэ, бырааһынньыкка, кэнсиэргэ сылдьыаххытын сөп. Бу – сынньанарга олус табыгастаах кэм. Нэдиэлэ иккис аҥаарыгар бастакы күөҥҥэ доруобуйа уонна үлэ тахсыахтара. Аһара элбэх үлэ сүктэриллэн хаалан, доруобуйаҥ алларыйыан сөп.
Оҕус
Нэдиэлэ бастакы аҥаарыгар дьиэ кэргэҥҥэ сыһыаннаах дьыала барыта аһара интэриэһинэй буолар чинчилээх. Даачаҕын, хаһаайыстыбаҕын өрө тардыаҥ, наадалаах дьиэ малын атыылаһыаҥ. Харчыга кыһалҕаны көрсүөҥ суоҕа. Дьиэ кэргэнинэн айылҕаҕа, даачаҕа сынньана бар, ыалдьыттары көрүс. Үлэҥ начаалынньыга дьиэтигэр ыалдьыттата ыҥыран соһутуо. Дьонтон аһара тутулуктааххыттан ньиэрбинэйдиигин.
Игирэлэр
Нэдиэлэ саҕаланыытыгар өйүҥ-санааҥ улаханнык тобуллуон, дьону кытта кэпсэтэр-ипсэтэр дьоҕуруҥ күүскэ тупсуон сөп. Хас да дьыаланы тэҥҥэ оҥор, өй үлэтинэн дьарыктан. Дьону кытта элбэхтик алтыһар буолан сонуну-нуомаһы барытын билэ олороҕун. Нэдиэлэ иккис аҥаарыгар үлэҕэ да, дьиэ кэргэҥҥэ да кэккэ кыһалҕалар үөскүөхтэрэ. Ону үмүрүтэ сатаан дьиэҥ-үлэҥ икки ардыгар сүүрүү-көтүү бөҕө күүтэр.
Араак
Олоххун-дьаһаххын, олорор усулуобуйаҕын тупсарар туһугар, бу нэдиэлэҕэ дьиэ-уот, хаһаайыстыба боппуруоһун быһаарарыҥ буолуо, бука. Ол–кыаллыа. Күүс-кыах да, харчы да барыта баар. Бу кэмҥэ атыыласпыт малыҥ барыта аһара хаачыстыбалаах, бөҕө буолуо. Нэдиэлэ иккис аҥаарыгар эйигин хараардар, баһааҕырдар сурахтар тарҕаныахтарын сөп. Кими да итэҕэйимэ, кистэлэҥҥин ыһыма-тоҕума, атын дьону кириитикэлээмэ.
Хахай
Нэдиэлэ бастакы аҥаара – доҕоттору кытта кучуйсан айанныырга, саҥа дьоннуун билсэргэ, араас тэрээһиннэргэ сылдьарга үчүгэй кэм. Тутулуга суох буолуоххун баҕараҕын. Урут туох эрэ тута, хааччахтыы сылдьыбыт буоллаҕына, көҥүлгэ көтөргө дьулуһаҕын. Нэдиэлэ иккис кэрдииһигэр үпкэ-харчыга сүүйтэриилээх хаалар куттал баар. Холобур, маҕаһыынтан албын, холтуура табаары атыылаһыаххын сөп. Ону учуоттан.
Кыыс
Сэрэдэҕэ диэри олоҕуҥ тэтимин бытаарт, холкутат, дууһаҕын уоскут. Уйулҕаҥ туругун тупсараргар, бэйэҥ ис киэпкин бэрээдэктэнэргэр, медитациялыыргар барсар кэм. Баанньыкка сылдьан паарданыы туһалаах буолуо. Ол эйигин истиин-тастыын ырааһырдыа. Чэппиэртэн саҕалаан ыал Кыыс дьиэ кэргэнин иһигэр уустуктар үөскүөхтэрин сөп. “Миигиттэн тугу эрэ кистииллэр” диэн санаа аалар. Ону быһаарса, дириҥэтэ сатаама.
Ыйааһын
Күннээҕи олох уустугуттан тэйэн, туох эрэ үчүгэйи санаа, бэйэҕин кытта уруулуу дууһалаах дьону, доҕоттору кытта булсан бириэмэҕин бииргэ атаар. Ол туһата улахан буолуо. Илэ олоххо оннук дьон суох буоллахтарына, кинилэри интэриниэттэн бул. Нэдиэлэ иккис аҥаарыгар доруобуйаҥ мөлтөөн барар чинчилээх. Тымныйыаххын, тумуулуоххун сөп. Сөтүөлээмэ, иһэр ууҥ хаачыстыбатын көрүн.
Скорпион
Дьулуурдаах-дьаныардаах буоллахтарына, скорпионнар нэдиэлэ саҕаланыытыгар туруоруммут сыалларын ситиһиэхтэрэ. Карьераҕа да, социальнай статуска да саҥа кирбиилэри дабайыахтара... Ону ситиһэр туһугар кистэлэҥ да, биллэр да ньымалар бары үчүгэйдэр. Олоххо хайдах баарынан сыһыаннас, көбөн кэлэр боппуруостары тута быһааран ис. Нэдиэлэ иккис аҥаарыгар доҕоттору, тапталлааҕы кытта сыһыан өссө тупсуо.
Охчут
Саҥа, сонун өйдөбүллэри ыларга, дууһаны манньытарга, айанныырга үчүгэй кэм. Бу күннэргэ олус интэриэһинэй, “духуобунай учуутал” буолар кыахтаах киһини кытта билсиэххин сөп. Сулумах охчуттар сүрэхтэрин аҥаардарын булалларыгар кыах бэриллиэ. Ону мүччү тутумуохтарын наада. Нэдиэлэ иккис аҥаарыгар “хайатыгар улахан болҕомтону уурабын: үлэбэр дуу, дьиэ кэргэммэр дуу?” диэн уустук боппуруос үөскүө.
Чубуку
Куһаҕан дьаллыккын утары охсуһууну саҕалаа. Мөкү дьаллыктан босхолонон баран, туох эрэ туһалаах, үтүө дьарыгы баһылыырга кыһалын. Ол чэпчэкитик кыаллыан сөп. Холобур, табаҕы-арыгыны быраҕан баран, уруһуйдуурга үөрэн. Эмтэнэргэ, эрчиллэргэ, буһарга-хатарга бэртээхэй кэм. Нэдиэлэ иккис аҥаарыгар үөрэнэ, саҥаны билэ-көрө сатаама: син биир кыайыаҥ суоҕа. Бу – толкуйдуур дьоҕуруҥ сыппаан-мөлтөөн сылдьар кэмэ.
Күрүлгэн
Ыал күрүлгэннэр, дьиэ кэргэн иһинээҕи сыһыаны тупсарар туһугар, доҕоргутун кытта араас боппуруос тула элбэхтик кэпсэтиҥ-ипсэтиҥ, санааҕытын атастаһыҥ. Кинини кытта уопсай тэрээһиннэргэ, сыбаайбаҕа-үбүлүөйгэ сылдьыҥ. Уопсайынан, бу таптал, романтика сыһыана өрөгөйдүүрүгэр, саҥа таһымҥа тахсарыгар үчүгэй кэм. Нэдиэлэ иккис аҥаарыгар туох эрэ соһуччу түгэн, истириэс баар буолуон сөп. Уоттан-оһолтон сэрэхтээх буол.
Балыктар
Настарыанньаҥ барыта үлэҕиттэн, дьиэ кэргэҥҥиттэн тутулуктанан сылдьар. Дьиэҕин-уоккун, өйгүн-санааҕын сааһылан. Сүрэҕэлдьээбэккэ, доруобуйаҕын көрүн. Тохтообокко хачыгырыы сырыт. Дьиэ кыылын, ыты-куосканы уо.д.а. атыылаһыаххын сөп. Ол эйиэхэ үчүгэйдик дьайыа. Нэдиэлэ иккис аҥаарыгар ыал балыктары итэҕэйсибэт буолуу, күнүүлэһии күүтэр.
