Иэйэ

Сахабыт ынаҕа – кэскилбит

Сахам мааны ынахтара
Сайылыкка хойуннулар,
Сайын чээлэй күөх тунахха,
Сайбалдьыһа хаамыстылар.

Сахам Далбар хотуттара
Сардааналыы сандаарыйан,
Сахам үүттээх ынахатарын,
Санаа хоту ыанньыктыыллар...

Сайдам сахам ыалыгар
Саҥа күннүүн уһукталлар,
Сахам дьоно үлэһиттэр,
Сүөгэй-суорат астаатылар.

Саадьаҕайбыт, Маҕааччыйбыт,
Саҥа төрүөх ньирэйдэрбит
Саҥа үйэ киэҥ дуолугар
Саханы Саха дэттилэр!

Сахам ыалын тэлгэһэтэ
Сайдар-үүнэр аналлааххын,
Сахам сирин ытык аата
Сырдык, ыраас ыралааххын!

Чурапчы улууһа, Мугудай.