Азарова Надежда Егоровна-Алаас Илгэ
-
-
Сахам саадьаҕай ынаҕа
Тыйыс тымныы дойдуга
Симэлийэ сүппэккэ,
Самныбат дьылҕалаабыт
Кэнэҕэс ыччакка тиийбит
Сахам саадьаҕай ынаҕа.
Бээгэйбит кылгас атахтаах,
Быакайбыт уһун систээх,
Суптугур сытыы муостаах,
Сылааһынан угуттаабыт
Сахам саадьаҕай ынаҕа.
Сыалаах эмис этинэн
Сөлөгөй хойуу үүтүнэн,
Бар дьонун күндүлээбит,
Саргыбытын түстээбит
Сахам саадьаҕай ынаҕа.
Сахалар саргылаах буоламмыт
Сатархай олохтон тахсаммыт
Санаабыт күүһүн түмэммит
Сахабыт ынаҕын ииттэхпит.
Нам.Таастаах.
Сэҥээриилэр
Наһаа үчүгэй хоһоон.