Великобритания королеватын аччыгый сиэнэ герцог Сассекскай Гарри уолламмытын туһунан иһитиннэрдэ.
Кэргэнин Меган Маркл уонна уолун туруктара этэҥҥэ. Оҕо 3,3 кг ыйааһыннаах. Принц Гарри кэргэнэ төрүүрүгэр аттыгар сылдьан күүс-көмө буолбут. Уолларын ким диэн ааттыылларын быһаара иликтэр. Бу оҕо королева Елизавета ахсыс хос сиэнэ буолар. Кини бүрүстүөлгэ нэһилиэстибэҕэ сэттис турар.
Принц Гарри уонна эмиэрикэ актрисата Меган Маркл ааспыт сыллаахха ыам ыйын 19 күнүгэр ыал буолбуттара. Алтынньы ыйга кэргэнниилэр оҕо күүтэллэрэ биллибитэ.
