“Туймаада” олимпиадаҕа Саха сириттэн, дойду атын куораттарыттан уонна сэттэ тас дойдуттан 154 үөрэнээччи кытынна. Кинилэр математикаҕа, физикаҕа, химияҕа уонна информатикаҕа өркөн өйдөрүн тургутан көрдүлэр. Новосибирскай куораттан сэттэ оҕо уонна Казахстантан, Сингапуртан, Румынияттан кэлбит үөрэнээччилэр бастыҥ ааты ыллылар.
Олимпиада түмүгүнэн абсолютнай кыайыылаах кубогын сэттэ үөрэнээччи ылла: Румынияттан Тинка Матей (информатика), Стан Тоэдора (химия, улахан лига), Михаил-Мариан Захараческу (физика, улахан лига), Новосибирскайтан Степан Епифанцев (химия, кыра лига), Казахстантан Рауан Калдыбаев (физика, кыра лига), Айбек Мырзаталиев (математика, ыра лига) уонна Сингапуртан Джоел Тан Джуняо (математике, улахан лига).
15 кыттааччы кыайыылаах дипломунан уонна кыһыл көмүс мэтээлинэн наҕараадаланнылар. Иккис миэстэни 20 үөрэнээччи, оттон үһүс миэстэни 32 кыттааччы ылла. 24 үөрэнээччи махтал суругунан бэлиэтэннилэр, 21 оҕо анал бириистэри туттулар.
Үөрэх таһынан оҕолорго култуурунай бырагыраамма оҥоһуллубута. Ол курдук, Ил Дархан Айсен Николаевы кытта көрсүбүттэрэ. Ил Дархан үөрэнээччилэр боппуруостарыгар хоруйдаата, Москубатааҕы судаарыстыбаннай университетка хайдах үөрэммитин туһунан кэпсээтэ .
ysia.ru
