Дьокуускайга Теплай күөлү туоруур икки муостаны өрөмүөннээн саҕалаатылар. Бу туһунан СЭГХ салайааччыта Айаал Егинов иһитиннэрдэ. Кулун тутар 16 күнүгэр 7 тэрилтэ кыттыылаах тендер ыытыллыбыт, онно кыайыылааҕынан “Саха Олимп” тэрилтэ тахсыбыт.
“Мосталар бырайыактара оҥоһуллубуттара. Кулун тутар 18 күнүттэн бэдэрээччиттэр үлэлэрин саҕалаатылар – муоста мас бүрүөһүнүн көтүрэллэр, вантовай конструкцияны дэхсилиилэр, муостаны уйуктаах буоларын күүһүрдэллэр”, - диир Айаал Егинов. Хантыраак быһыытынан үлэ 1,5 мөл. солк., муус устар 15 күнүгэр үлэ түмүктэниэхтээх.
Санатар буоллахха, ХИФУ аттынан Теплай күөлү туоруур муосталар сууллар кутталланан былырыын күһүн сабыллыбыттара.
