Быйыл 600 тахса тулаайах оҕону дьиэнэн хааччыйыахтара. Бу дьыалаҕа 1,3 млрд солк үп көрүллүбүт. Бу туһунан СӨ Бырабыыталыстыбатын бэрэссэдээтэлин солбуйааччы Кирилл Бычков, Алдан оройуонун Томмот куоратыгар сылдьан иһитиннэрдэ.
“Бу сылга төрөппүт көрүүтэ-истиитэ суох хаалбыт тулаайах оҕолору дьиэнэн хааччыйыыга, өрөспүүбүлүкэ бүддьүөтүгэр 1,3 млрд солк үп көрүлүннэ. Онон 600 тахса оҕону дьиэлиир былааҥҥа турар. Алдан оройуонугар быһа холоон 144 оҕо дьиэлэниэ. Оройуоҥҥа 97 мөл солк үп көрүлүннэ”, — диэн Бычков иһитиннэрдэ. Кини этэринэн, бастакы уонна иккис ырыынактан дьиэлэр ылылыллыахтара. Ааспыт сылга Саха сиригэр 500 тахса тулаайах оҕо дьиэлэммит.
