Быйыл оҕолорун сайыҥҥы лааҕырдарга сынньатар төрөппүттэргэ атыыласпыт путевкаларын 50% төннөрүөхтэрэ. Маннык кешбэк "МИР" каарталаах дьоҥҥо тарҕанар. Саха сиригэр бу кешбэк бырагырааматыгар 12 лааҕыр киирбит.
Ол курдук, «Сосновый Бор», «Бинго», «Кэскил», «Родничок», «Каландаришвили», «Спутник», «Чэбдик», «Радуга», «Берег дружбы» (Алдан улууһа), «Алмаз» (Ленскэй улууһа), «Мандар кыһата» (Таатта) уонна «Усадьба Булуус» (Хаҥалас) киирсибиттэр. Путевканы кэмпэнсээссийэлиир бырагыраама В.Путин ыйааҕынан ыам ыйын 25 күнүттэн саҕаламмыта. Бырагыраамаҕа киирсэр лааҕырдар толору испииһэктэрин мирпутешествий.рф саайка "Детские лагеря" диэн салааҕа киирэн билсиэххитин сөп. Маны таһынан, бырагыраама иитинэн путевка аҥарын бу сыл ыам ыйын 25 күнүгэр дылы атыылаһыллыбыт путевкаларга эмиэ ылыахха сөп. Ону Госуслуги нөҥүө бу ый 15 күнүгэр дылы оҥотторуохха сөп. Толуйуу бэс ыйын 15 күнүттэн саҕаланар уонна алтынньыга дылы ыытыллыаҕа. Сиһилии итии лииньийэннэн билсиэххитин сөп. Төл: +7 800 200 34 11.
