Киир

Киир

 2021 сыл балаҕан ыйын туругунан, Мииринэй оройуонугар үлэ буларга маннык чахчылары буллум.

 Аллараа суруйбут информациябын олохтоох “Mирок-Биз” диэн интернет-портаалтан туһанным. Биллэн турар, идэтийиигэ (квалификация, разряд) ирдэбил күүстээх. Yлэ 60 бырыhыанын бырамыысалыннастаах тэрилтэлэр таһаараллар.

 «АЛРОСА» МУАД тэрилтэтэ

Манна «Анаабыр» өрөспүүбүлүкэ таһымнаах суолун өрөмүөнүгэр, баараҕай эбийиэккэ - Мииринэй саҥа аэропуордун тутууга 400 үлэ миэстэтэ таҕыста! Ханна маннык баһаам үлэ миэстэтэ баарын көрбүккүтүй?!

25 туонна уйуктаах Кытай “ДоДо”, “Хово”, “Шаньшань” самысыбаалларыгар суоппардар, эмиэ Кытай “Шаньтуй” бульдозердарыгар үлэһиттэр, грейдер, погрузчик машинистара тиийбэттэр. Бэл, саҥа аэропуорду тутууга электрик ирдэнэр эбит.  

Удачнай диэки, баахта ньыматынан үлэлииргэ бэлэм буоллаххытына, МУАДка, бакаансыйа күн бүгүн баар.

ПТВС

Салгыы барабыт. ПТВС-ка(куораты сылаас, тымныы уунан хааччыйар тэрилтэ) «В», «С» категориялаах суоппардар, «Амкодор-342» погрузчикка «Д» категориялаах машинист ирдэнэллэр.

Дьэ, нефть хампаанньата ханнык үлэһиттэри ыҥырар эбитий?

«Иирэлээх» ХЭТ(ООО «Иреляхское») Мииринэйгэ үлэлииргэ маннык бакаансыйалары биллэрбит:

 Эколог – хамнаһа 114 тыһыынча 943 солк.

Кылаабынай маркшейдер – 115.269,98 солк.

Киин ыскалаат сэбиэдиссэйэ – 92.144 солк.

Полевой геолог – 84.750 солк.

ЦИТС инженерэ – 57.751 солк.

 Баахта ньыматынан үлэҕэ(30 күн – үлэ, 30 күн – сынньалаҥ) :

Технологическай оборудование өрөмүөнүн силиэсэрэ – 112.868 солк (биир ый хамнаһа).

КИПиА силиэсэрэ – 126.248 солк (эмиэ биир ыйга).

Скважиналары чинчийэр-тургутар 5-эрэсэрээттээх оператор - 130. 292 солк.

Ууттан уонна туустан ыраастыыр тэрил 5 эрэсэрээттээх оператора – 131.917 солк.

Ньиэп уматыгы кытары(“нефтепереработка”) үлэлиир 5 эрэсэрээттээх оператор – 123.373 солк.

Бу үлэлэргэ киирии Арассыыйа Үлэ Кодексын чэрчитинэн, булгуччу толору социальнай бакыаттаах буолар. «АЛРОСА» авиахампаанньаҕа канцелярия сэбиэдиссэйэ ирдэнэр. Төлөбүрэ кэпсэтиинэн.

Энэргиэтикэ салаатыгар үлэ миэстэтэ куруук баар.

«Якутскэнерго» самалыгар - ЗЭСкэ, бэһис эрэсэрээттээх сантехник-силиэсэр, электросилиэсэр, тэрилтэ дьиэлэрин өрөмүөннүүр, көрөр-истэр оробуочай ирдэнэллэр.

Мииринэйгэ автокыраан машинистара, монтажниктар, электриктэр, «ДОПОГ» бырааптаах суоппардар, гааска сыhыаннаах силиэсэрдэр тиийбэттэр диэн куруук суруйабын. Онон манан интэриэһиргээҥ.Оробуочай идэлэргэ үлэ элбэх.

Станислав Алексеев, Мииринэй куората.

Тарҕат:

Сэҥээриилэр

Владимир Борисович
+4 Владимир Борисович 06.09.2021 19:12
Сварщик 5 разряда ищу вахтовый медот 89142243676
Ответить
Ответ
+3 Ответ 07.09.2021 13:52
Владимир Борисович, рабочай идэ Мирнэйгэ кырдьык элбэх. Интер рудникка Якутская генерирующая комрпния газопоршневой станция ahaр.Вахта буолбатпх. Суол Мирнэйгэ диэри федералканан до 16 октября баар. Вахта элбэх. РНГ. ТЮНГД.телнфонунпн пробивайдаа.Сварщики 5 разряда нужны везде. Хлеб будет.
Ответить
Ответ
+3 Ответ 07.09.2021 13:53
Обзванивпйте заранее.
Ответить

Санааҕын суруй

Бүтэһик сонуннар