"Якутия" авиахампаанньа Хабаровскайтан Мииринэйгэ көтүөхтээх сөмөлүөтүн айанньыта "сөмөлүөккэ буомба баар" диэн биллэрбит. Бу туһунан ИДьМ Уһук Илиҥҥэ Тырааныспарга управлениетын пресс-сулууспата иһитиннэрэр.
Көтөөрү турбут сөмөлүөттэн барыларын эвакуациялаабыттара, оттон "буомба иитиллибитин" туһунан биллэрбит 48 саастаах Орто Азия биир өрөспүүбүлүкэтиттэн сылдьар гражданины дьуһуурунай чааска илдьибиттэр. Тырааныспар полициятын уонна ОМОН үлэһиттэрэ сөмөлүөтү сыныйан көрбүттэр да, буомба баарын булбатахтар. Тутуллубут киһи "сөмөлүөтү наһаа оннук туппуттарын иһин, итирик сылдьаммын сымйаннан иһитиннэрбитим" диэбит. Сымыйалаабыт киһиэхэ холуобунай дьыаланы тэрийдилэр.
