Ил Түмэн ХХХ пленарнай мунньаҕар дьокутааттар өрөспүүбүлүкэ конституционнай сүбэһиттэрин таллылар. Инньэ гынан, урукку спикер Петр Гоголев салайааччылаах Конституционнай сэбиэт састааба толору бигэргэннэ.
Конституционнай сэбиэккэ сүбэһиттэр кандидаттарын Ил Дархан Айсен Николаев киллэрбит, кинилэри сессияҕа Ил Дархан уонна бырабыыталыстыба дьаһалтатын салайааччы Афанасий Владимиров билиһиннэрдэ. Дьокутааттар Людмила Гореваны, Дмитрий Мироновы, Василий Попову, Александр Седалищевы, Альбина Степанованы таллылар.
Бэс ыйыгар дьокутааттар Конституционнай сэбиэт сэкэрэтээринэн-сүбэһитинэн Татьяна Павлованы, сэбиэт бэрэссэдээтэлинэн Петр Гоголевы, кини солбуйааччыларынан Алексей Ефимовы уонна Олег Мироновскайы куоластаан талбыттара.
