Бүгүн Ньурба улууһун баһылыга Алексей Иннокентьев С.В. Васильев аатынан Ньурбатааҕы 1-кы нүөмэрдээх орто оскуолатын уон биирис кылааһын үөрэнээччитигэр Милена Степановаҕа үөрүүлээх быһыыга-майгыга Владимир Путинтан бэлэх туттарда.
Милена үөрэҕэр туйгун, кыһыл көмүс мэтээли ыларга туруулаһар.
Кыыс элбэх оҕолоох дьиэ кэргэн оҕото, ийэтэ бырадабыас, аҕата ДьКХ үлэһитэ. Кинилэр дьиэ кэргэннэригэр элбэх оҕоҕо сыаналаах малы-салы ылыы ыарахаттардаах эбит.
Милена Степанова ахсынньы 8 күнүгэр Арассыыйа Федерациятын бэрэсидьиэнигэр сурук суруйбута, үөрэнэригэр диэн ноутбуктаныаҕын баҕарарын туһунан ыйбыта, бииргэ төрөөбүт 5 уонна 7 саастаах сурдьуларыгар суотабай төлөпүөн көрдөспүтэ.
Оттон бүгүн кыысчаан баҕа санаата туолла. Милена төгүрүк 5 сыанаҕа үөрэнэр, кыһыл көмүс мэтээли ыларга туруулаһар уонна оскуола уопсастыбаннай олоҕор актыыбынай кыттыыны ылар.
